E fundit!

10:40 Denoncim

Zbulohet skema/ Trekëndëshi: Bashkia e Tiranës - “Kuadr.com” - Arbër Veliaj

CNA ka nisur një tjetër investigim që mund të çojë drejt z...

Ekonomia, drejt punëzënies së plotë?/ Gazetari, thirrje Qeverisë: Kjo është thikë me dy presa

19 Maj 2022, 08:12, Aktualitet CNA

Gazetari Klodian Tomorri ndërsa bën një koment në lidhje me situatën e punësimit në Shqipëri, shkruan se ikja e fuqisë punëtore ka bërë që bizneset të jenë në krizë për punonjës. Gjë që sipas tij po i detyron të rrisin pagat.

Por, ai shton se kjo është thikë me dy presa, pasi nëse rritja e rrogave nuk shoqërohet me rritje të produktivitetit, atëherë ekonomia humbet konkurrueshmërinë.

Më tej, Tomorri i drejton edhe një thirrje të fortë Qeverisë, ndërsa thekson se tashmë është radha e saj.

?A po shkon ekonomia drejt punëzëniës së plotë?

Kam përshtypjen se tregu i punës po përjeton një shtrëngim të paprecedentë në historinë e Shqipërisë, që po bën presion të fortë tek pagat. Në tremujorin e tretë dhe të katërt të vitit të kaluar rrogat janë rritur me ritme të ndjeshme. Informacionet janë se tendenca ka vazhduar edhe në tremujorin e parë të këtij viti.

Shkaku është i qartë. Emigracioni. Bizneset thonë se në sektorë të caktuar rrogat janë dyfishuar brenda 1 apo dy vitesh dhe sërish kanë vështirësi për të gjetur punonjës. Vecanërisht në kategorinë e punonjësve të kualifikuar.

Rritja e rrogave në të gjithë spektrin e tregut është lajm i mirë. Por kjo është edhe thikë me dy presa. Nëse rritja e rrogave nuk shoqërohet me rritje të produktivitetit, atëherë ekonomia humbet konkurrueshmërinë.

Si rregull një ekonomi duhet të jetë afër punëzënies së plotë. Bota këtë e arrin me reforma. Ne e arrijme duke përzënë njerëzit në emigrim. Por përtej kësaj, pasojat tek pagat janë të njëjta.

Kujt do t’ia merrte mendja që Shqipqria një ditë do të përballej me treg të shtrënguar pune. Bizneset e ndjenë që para disa vitesh dhe tentuan atë skemën me Bangladeshin për të shmangur rritjen e rrogave. Por me sa duket bangladeshasit i bënë naftën kësaj pune.

Tani është radha e Qeverisë të rrisë rrogat.?-shkruan Klodian Tomorri./CNA.al