web counter
LEXO PA REKLAMA!

SHKARKO APP

App Store
Google Play

E fundit!

x

Dëshmia ‘bombë’/ Çapajt i ofruan 200 mijë euro Dumanit për të vrarë dhëndrin e Qazim Sejdinit

19 Maj 2022, 19:13, Kronika CNA

Një tjetër dëshmi e të penduarit të drejtësisë, Nuredin Dumani, është zbardhur nga mediat mbrëmjen e sotme.

Dumani ka rrëfyer se fisi i Çapajve i ka ofruar atij 200 mijë euro për të vrarë dhëndrin e ish-kryebashkiakut të Elbasanit, Qazim Sejdini, Sokol Sanxhaktari.

Sipas tij, personat që kishin dhënë këtë shumë parash janë Florenc Çapja, Vis Korçari, Bledar Muça dhe Eljo Bitri. Ai ka treguar se shkaku pse ata donin ta eliminonin Sanxhaktarin, është se ky i fundit kishte lidhje të ngushta me Suel Çelën, kundërshtarin më të fortë të Çapajve në Elbasan.

Gjithashtu edhe Henrik Hoxhaj ka dëshmuar para drejtësisë për ofertën e Çapajve. “Abc News” ka siguruar një pjesë të dëshmisë, ku Hoxhaj rrëfen bisedën që ai dhe Nuredini kishin bërë pasi ju kishte ardhur oferta.

?Në lidhje me shtetasin Sokol Sanxhaktari unë kam biseduar me Nuredinin në kohën kur ishim te shtëpia e tij para vrasjes së vëllezërve Haxhia. Gjatë një bisede Nuredini më tha se kishte marrë një ofertë për vrasjen e shtetasit Sokol Sanxhaktari që ishte dhëndri i kryebashkiakut të Elbasanit Qazim Sejdini. E lamë për të takuar shtetasin Bled Muça pasi Nuredini e kishte marrë porosinë prej këtij shtetasi. Takimi me Bledin nuk u realizua pasi u realizua vrasja e vëllezërve Haxhia. Në lidhje me përgatitjen për vrasjen e Sokolit, Nuredini kishte çuar njerëz për të marrë informacion mbi lëvizjet e tij dhe kishte mësuar se Sokoli dilte në mëngjes ose mbasdite i shoqëruar nga një person i armatosur, me makinë që të dy. Për ta takuar Bled Muçën do të shkonim të dy, kurse për ta bërë punën do ta bëja unë sepse nuk doja që lekët të ndaheshin me persona të tjerë. Ai që do të përdorej si shofer në vrasje do të ishte dhe informatori për lëvizjet e Sokolit. Unë do të merrja 150.000 euro, ndërsa shoferi 50.000 euro. Kjo shumë më është thënë mua nga ana e Nuredinit. Nuk e di arsyen se përse do të kryhej vrasja. Unë nuk kam kryer asnjë takim me asnjë person përveç se me Nuredinin?, është shprehur i penduari i drejtësisë./ CNA.al





Lajmet e fundit nga