web counter
LEXO PA REKLAMA!

SHKARKO APP

App Store
Google Play

Gjysma e lojtarëve kanë kontrata, zbulohet plani i Skënderbeut për Kategorinë e Parë

18 Maj 2022, 12:04, Sport CNA

Në Korçë po mësohen me faktin se skuadra e Skënderbeut do të luajë në Kategorinë e Parë sezonin e ardhshëm dhe tashmë kanë nisur të mendojnë përbërjen që do të ketë ekipi pas rënies nga elita. Një pjesë e mirë e lojtarëve aktualë do të largohen, ndërsa ata që kanë ende kontratë në fuqi edhe për sezonin tjetër me klubin bardhekuq, janë vetëm dhjetë të tillë.

Melos Bajrami, Erlis Frashëri, Kosta Vangjeli, Randi Dumfur, Jurgen Vrapi, Ramin Alii, Belajdi Pusi, Ardit Nikaj, Agnaldo Moraesh dhe Elvi Berisha janë aktualisht lojtarët që kanë kontratë me Skënderbeun edhe për vitin tjetër.

Gjithsesi, nuk përjashtohet mundësia që edhe ndonjëri prej tyre të shkëpusë me marrëveshje kontratën dhe të largohet. Duket se baza për Skënderbeun e ardhshëm do të jenë pikërisht këta dhjetë futbollistë, me ndonjë përjashtim të vogël që pritet të ndodhë me hapjen e merkatos.

Këtyre futbollistëve u shtohen gjithashtu edhe emrat e dy të rinjve që janë prodhim i akademisë, si Kaso dhe Pecani, të cilët do të jenë pjesë e rëndësishme ekipit bardhekuq. Mësohet gjithashtu se Skënderbeu i sezonit të ri do të bazohet te lojtarët e rinj, ndërthurur me ata me eksperiencë, në mënyrë që të sigurojë menjëherë rikthimin në elitë.





Lajmet e fundit nga