E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

“Toyota Yaris”, Basha rrezikon të merret i pandehur/ Dëshmon të martën edhe Artan Hoxha

14 Maj 2022, 10:26, Aktualitet CNA

Gazetari Artan Hoxha është thirrur për të dëshmuar nga prokuroria federale belge lidhur me çështjen e ?Toyota Yaris?.

Çështja ?Toyota Yaris?, është një dosje e hetuar nga autoritet shqiptare në bashkëpunim me belgët, pasi në qershor të 2018 u sekuestruan 3,4 milionë euro të fshehura në automjete në portin e Durrësit.

Për këtë çështje, Hoxha do të dëshmojë si gazetar, të martën me datë 17.05.2022.

CNA.al, mëson se përveç Hoxhës, autoritetet belge kanë thirrur edhe Lulzim Bashën, ish kreun e PD-së.

Për shkak se Basha, ka dhënë deklarata të dyshimta kur është pyetur në Tiranë.

Për ish kreun e PD-së, hallet dhe telashet me drejtësinë, duket se po shtohen dhe se rrezikon të merret i pandehur për bashkëpunim me grupe kriminale.

Për më tepër sjellja e Bashës për këtë çështje ka qenë e dyshimtë, kontradiktore, pasi nuk ka bashkëpunuar me autoritetet e drejtësisë.

Hezitimi i Bashës për të bashkëpunuar

Kujtojmë se me datë 11 qershor 2019, gjyqtari belg Laurence Heusghem i ka kërkuar Prokurorisë së Krimeve të Rënda të pyesin në cilësinë e dëshmitarit z.Lulzim Basha, në lidhje me një deklaratë të tij të bërë në vitin 2018, nga foltorja e Kuvendit, dy ditë përpara se autoritetet shqiptare të bllokonin automjetin Toyota Yaris në të cilin u sekuestruan 3.4 milionë euro.

Autoritetet belge të cilat kanë zhvilluar hetime për Toyota Yaris u patën kërkuar prokurorëve të Krimeve të Rënda, Doloresa Musabelliu dhe Eneid Nakuçit që t?i drejtonin Bashës tre pyetje.

Si u informua për praninë e vlerave monetare, cilat janë këto informacione ekzaktësisht dhe kush ja ka dhënë këto informacione atij?

Prokurori belg Heusghem kërkonte informacion nëse ekzistonte një dosje me dëshminë e Lulzim Bashës dhe nëse do t?i vendosej në dispozicion atij një kopje.

Kështu Basha, u pyet në vitin 2019, tek Krimet e Rënda, po nga autoritetet belge për këtë çështje dhe qëndrimet e tij të dyshimta, bënë që ai të merrej sërish në pyetje, në SPAK, me datë 10 Shkurt 2022. Tashmë duket se i është shtrënguar laku derisa autoritetet belge e kërkojnë atje./CNA.al