web counter
LEXO PA REKLAMA!

SHKARKO APP

App Store
Google Play

E fundit!

x

Dëbimi i përdoruesve në bazë të pikëpamjeve politike/ Gjykata e Apelit në Teksas rikthen ligjin

14 Maj 2022, 08:44, Kosova & Bota CNA

Gjykata e Apelit, ka lejuar një ligj të Teksas që ndalon platformat e mediave sociale të largojnë përdoruesit nga rrjetet sociake në bazë të pikëpamjeve politike.

Paneli i 5-të i Gjykatës së Apelit, nuk shpjegoi arsyetimin e tij për miratimin e kërkesës së shtetit për pezullimin e një urdhri të dhjetorit nga gjykatësi Robert Pitman në Austin, Teksas, i cili kishte gjetur se të drejtat e Amendamentit 1 të kompanive të mediave sociale do të dëmtoheshin duke lejuar që ligji të hyjë në fuqi.

Urdhri përfshinte një shënim që trupi gjykues prej tre gjyqtarësh, i përbërë nga gjyqtarët e qarkut Edith Jones, Leslie Southwick dhe Andrew Oldham, nuk ishte unanim, megjithëse nuk thoshte se si u nda. Gjyqtarët u emëruan përkatësisht nga ish-presidentët republikanë Ronald Reagan, George W. Bush dhe Donald Trump.

Një avokat i paditësve që sfidojnë ligjin, grupet e lobimit në internet NetChoice dhe Shoqata e Industrisë së Kompjuterëve dhe Komunikimeve (CCIA), anëtarët e të cilit përfshijnë Twitter, Facebook dhe Google – nuk iu përgjigjën menjëherë një kërkese për koment, shkruan Reuters.

Padia e grupeve sfidon një ligj, të nënshkruar nga guvernatori republikan i Teksasit, Greg Abbott në shtator, i cili ndalon kompanitë e mediave sociale me më shumë se 50 milionë përdorues aktivë në muaj që të ndalojnë anëtarët bazuar në pikëpamjet e tyre politike dhe duke u kërkuar atyre që të zbulojnë publikisht se si e moderojnë përmbajtjen.

Abbott në atë kohë tha se ligji ishte në përgjigje të “një lëvizjeje të rrezikshme nga kompanitë e mediave sociale për të fshehur pikëpamjet dhe idetë konservatore”. NetChoice dhe CCIA thanë në padinë e tyre se ligji shkelte të drejtën e tyre për lirinë e fjalës sipas Amendamentit 1 të Kushtetutës së SHBA duke i ndaluar ata të ushtrojnë diskrecionin editorial mbi platformat e tyre private.

Pitman ra dakord, duke hedhur poshtë argumentin e shtetit se kompanitë e mediave sociale ishin kanale pasive për palët e treta si kompanitë kabllore, dhe duke gjetur në vend të kësaj se ato kishin të drejtën e mbrojtjes të ngjashme me ato që gëzonin gazetat.

Konservatorët kanë kritikuar gjerësisht kompanitë e mediave sociale për atë që ata e shohin si censurë të pikëpamjeve të tyre politike, duke përfshirë largimin e Trump nga platformat kryesore. Pronari miliarder i Tesla-s, Elon Musk, ka përmendur kundërshtimin e tij ndaj censurës si arsye për blerjen e Tëitter-it dhe ka thënë se do të rikthente Trump në rrejtin social.

Florida miratoi gjithashtu një ligj që parandalon kompanitë e mëdha të mediave sociale të ndalojnë postimet nga ose rreth kandidatëve politikë, i cili u rrëzua nga një gjykatë e qarkut./ Përshtati CNA.al

Marrë nga Reuters. 





Lajmet e fundit nga