E fundit!

17:40 Aktualitet

"E ka fituar dhe një prej kumbarëve të qeverisë në takimin e Arubës"/ Këlliçi: Të anulohet procedura për Milot–Balldren

Nënkryetari i Partisë Demokratike, Belind Këlliçi është sh...

Ardian Dvorani, kandidati i Ramës për President?!

7 Maj 2022, 16:47, Politikë CNA

Zgjedhja e emrit të ri të presidentit ka sjellë përplasje të forta politike. Kryeministri Edi Rama, më herë ka deklaruar se në krye të shtetit do të vijë një person jashtë politikës dhe respektues i Kushtetutës. Ndërsa sot, në mbledhjen e Asamblesë Kombëtare të PS kryeministri Edi Rama solli në vëmendje ish kreun e KED Ardian Dvorani dhe kjo ishte jo pa qëllim, por për faktorizim të këtij të fundit.

Dvorani nuk është një emër i panjohur. Përplasjet me presidentin aktual Ilir Meta për procedurat e emërimit të gjykatësve të Gjykatës Kushtetuese do të sillte reagime të forta në skenën politike.

Meta të akuzonte Dvoranin për shkelje të procedurave ligjore duke e konsideruar dhe ?kamikaz politik? pasi sipas tij veprimet ishin të njëanshme dhe në favor të mazhorancës qeverisëse. Ish kreu i KED u padit në atë kohë nga Meta, por që gëzonte të gjithë mbështetjen e SHBA-së.

Në mbledhjen e Kryesisë së PS është folur për kriteret që duhet të ketë presidenti i ardhshëm. Ato i theksoi dhe Rama sot në fjalën e tij në Asamble, por përtej kritereve Rama kërkoi emrin.

Dvorani plotëson çdo kriter të socialistëve, pasi është një mbrojtës i tyre i flaktë.

Rama do në krye të Presidencës një anti-Meta dhe Dvorani është klasiku.

Çështja e Ardian Dvoranit në SPAK ka qëndruar vetëm 3 muaj dhe më pas u mbyll. Pra po bëhen 2 vjet që kjo çështje ?është harruar?.

Kryeministri u ankua sot se SPAK e hapi çështjen e ish kreut të KED me urgjencë. Por në fakt e vërteta është ndryshe. SPAK e mbylli këtë çështje me urgjencë, me urdhër të vetë kryeministrit.

I vetmi opsion ëshë që montoi një histori “akuzash” për të lartësuar Dvoranin, si hero i antikorrupsionit.

Sikur Dvorani ka votuar që të dënohej Ilir Meta!! Nuk është e vërtetë.

Dvorani ka votuar për pafajësinë e Metës, por me argumenta alternative. Jo si grupi i gjyqtarëve. Vendimi për pafajësinë e Metës ka qenë 4 me 1./CNA.al