web counter
LEXO PA REKLAMA!

SHKARKO APP

App Store
Google Play

E fundit!

x

Gjiknuri gjen zgjidhjen për kandidaturën e Berishës për President

6 Maj 2022, 10:15, Politikë CNA

Damjan Gjiknuri, Sekretar i Përgjithshëm i Partisë Socialiste, ka lançuar si propozim të Partisë Socialiste, mënyrën se si Sali Berisha mund të bëhet indirekt pjesë e procesit të zgjedhjes së një Presidenti konsensual.

Gjiknuri propozon që qëndrimi i PS-së përfaqësuar nga Kryetari Edi Rama, mund të anashkalohet.

Për këtë mund të shërbejë si ?by-pass? Enkelejd Alibeaj.

Gjiknuri propozon që Alibeaj të këshillohet me Sali Berishën dhe të bien dakord për emrin që mund të përfaqësojë rrymat në PD.

Më pas, kandidatura t?i përcillet Gjiknurit.

Nuk kuptohet nëse Gjiknuri me idenë e vet kërkon të përjashtojë Taulant Ballën nga procesi, apo thjesht po detajon vullnetin e shprehur nga Edi Rama. Por, propozimi i Gjiknurit ishte i qartë:

“Të sjellin një kandidat për President që i bashkon! Nuk ulemi në tryezë me Berishën.

Le të jetë kandidati për President një figurë që i bashkon ata.

Berisha për ne nuk ekziston si faktor politik, ky është qëndrim i PS, por nëse Alibeaj me të tjerë, një pjesë e të cilëve kanë ndjekur Berishën, do të vijnë për një kandidaturë që i bashkon ata, është proces i tyre dhe i mirëpres.”-tha Gjiknuri.

Me fjalë të tjera, Gjiknuri duket i ka ofruar Sali Berishës dhe mbështetësve të tij, formulën se si mund të bëhen pjesë e procesit të zgjedhjes së Presidentit.

Vetëm se u ka përcaktuar që dera për ta kalon nga Alibeaj.

Kaq hapur bëhet propozimi saqë s’ka shqiptar që nuk pyet:

Pse duhet që Sali Berisha të komunikojë me Damianin nëpërmjet Alibeajt?

Dhe të mendosh që Damiani është edhe jurist, përveçse Sekretar i Përgjithshëm i PS-së!

Në fakt, me këtë “skemën” e fundit duket më shumë si ?urith? sesa si “tërmet”.

Mbetet që të kuptojmë se si do ta verifikojë Gjiknuri nëse kandidati që do të avancojë Alibeaj, ka apo jo miratimin dhe pëlqimin e Sali Berishës!/CNA.al





Lajmet e fundit nga