E fundit!

15:40 Aktualitet

Të premten, mbledhja e Grupit të PS-së dhe kabinetit/ Zbardhet agjenda e takimit

Kryeministri Edi Rama do të mbledhë ditën e premte Grupin ...

Takimi në selinë blu/ Alibeaj zbulon kërkesën për deputetët e PD

5 Maj 2022, 17:39, Politikë CNA

Deputeti Enkelejd Alibeaj ka treguar se çfarë i kërkoi deputetëve në takimin e thirrur nga ai në selinë blu.

Në një prononcim për mediat pas përfundimit të mbledhjes, Alibeaj tha se deputetëve të PD që ishin të pranishëm i kërkoi që deri ditën e dielë të sjellin sugjerimet për Presidentin e ri.

Ai deklaroi se gjithashtu kërkoi që demokratët të ofrojnë kriteret, vlerat morale dhe njerëzore se si e imagjinojnë Presidentin.

?Kjo ishte mbledhje e parë që u diskutua për agjendën parlamentare.U diskutua edhe për ngritjen e disa komisione ve të Posaçme dhe u diskutua edhe për Presidentin. Ky është një proces politik i rëndësishëm që teston qasjen e vetë PD-së. Është një mbledhje ku deputetët dhanë mendimet e tyre. Pashë një konsensus dhe me sugjerimet e tyre ne lamë një mbledhje tjetër ditën e hënë. Të gjithëve deputetëve iu kërkua të ofrojnë kriteret se si e imagjinojnë ata, kriteret, vlerat morale njerëzore të Presidentit. Vura re qe me nje sens përgjegjësie deputetët ndanë dy çështje: Të marrim pjesë në proces dhe të mos jemi fasadë si një detyrim ndaj shqiptarëve duke qenë parimore dhe duke kërkuar të sjellim një pjesë të vogël që quhet Presidenti i republikës.

Ky ishte sensi i përgjegjësisë që edhe për këtë proces, të zgjedhjes së presidentit, e dimë se si zgjidhet, me 71 vota fatkeqësisht. Por prezenca jonë të jetë e tillë që të nderojë aspiratat e njerëzve që na kanë votuar, por kurrsesi që të jemi fasadë. Secili nga kolegët deri ditën e dielë, do të japë sugjerimet e veta se si duhet të jetë Presidenti i shqiptarëve, transparent, gjithëpërfshirës, duke ruajtur dhe pozicionin e opozitës. Lidhur me çështjen e komisioneve, territoriale dhe zgjedhore, kisha kërkuar që të bëhen sugjerime dhe të plotësojmë të dyja komisionet. E di që ka qenë e vështirë ndaj ka ngelur dhe çështje e patrajtuar. Kemi sensin e madh për të bërë opozitë, pavarësisht situates?, theksoi Alibeaj./ CNA.al