web counter
LEXO PA REKLAMA!

SHKARKO APP

App Store
Google Play

E fundit!

x

Shtrimi në spital me Covid-19 mund ta plakë me 20 vite trurin e njeriut

5 Maj 2022, 08:31, Blog CNA

Nicola Davis ?The Guardian?

Njerëzit që janë shtruar në spital për shkak të prekjes nga Covid-19, mund të kenë jo pak  vështirësi në të menduar, e krahasuar kjo me plakjen 20 vite të trurit. Kjo sugjerohet nga një studim i fundit. Teksa pandemia u përhap në të gjithë botën, u bë e qartë se koronavirusi mund të shkaktonte jo vetëm probleme të menjëhershme shëndetësore, por po ashtu mund të linte disa njerëz me simptoma shpeshherë dobësuese, një gjendje e njohur si ?Covid i zgjatur në kohë?.

Sipas një studimi të kryer në Britaninë e Madhe, rreth 1/3 e pacientëve që përjetuan simptoma të forta pasi u shtruan në spital, u ndien plotësisht të shëruar një vit më vonë, me pak përmirësime për shumicën e pacientëve në disa aspekte duke përfshirë funksionet fizike, si dhe dëmtimin e aftësive njohëse.

Tani ekspertët kanë zbuluar se disa pacientë kanë pësuar një rënie të vazhdueshme të aftësive njohëse. Dejvid Menon, profesor në Universitetin e Kembrixhit dhe autor i studimit, thotë se shkalla e dëmtimit ishte e lidhur me ashpërsinë e sëmundjes.

?Covid-19 shkakton probleme mbi një sërë organesh në trup, duke përfshirë trurin dhe funksionet tona njohëse dhe shëndetin tonë psikologjik. Nëse vaksinoheni me të gjitha dozat që rekomandohen, do të prekeni më lehtë nga sëmundja. Rrjedhimisht do të keni më pak probleme  të tilla?, – thekson ai.

Duke shkruar në revistën ?Clinical Medicine?, Menon dhe kolegët e tij raportuan se ekzaminuan rezultatet e testeve njohëse të kryera nga 46 pacientë, mesatarisht 6 muaj pasi ishin shtruar në spitalin Adenbruk në Kembrixh midis muajve mars-korrik 2020. Nga ky grup, 16 iu nënshtruan ventilimit mekanik.

Testet njohëse u kryen nëpërmjet platformës ?Cognitron?, të zhvilluar nga studiuesit në Kolegjin Mbretëror të Londrës, që formoi bazën e Testit të Inteligjencës nga BBC. Ekipi i krahasoi rezultatet me ato të 460 personave që morën pjesë në sfidën e BBC-së, dhe që nuk ishin prekur kurrë nga Covid-19.

Dhjetë persona u krahasuan me secilin pacient sipas karakteristikave të tilla si mosha, gjinia, arsimi dhe gjuha e parë. Rezultatet e studimit sugjerojnë se ata që ishin shtruar në spital me Covid-19, kishin dëmtime të veçanta të aftësive njohëse, përfshirë shpejtësinë më të ngadaltë të përpunimit. ?Problemi me të cilin përballen më shumë është arsyetimi verbal?, – thotë Menon.

Studimi sugjeron se ndërsa dëmtimet e funksioneve njohëse ishin të dallueshme, madhësia e ndryshimit ishte mesatarisht në të njëjtin nivel me rënien e aftësive njohëse që shihet te njerëzit nga mosha 50 deri në 70 vjeç.

Ekipi i ekspertëve nuk gjeti ndonjë ndryshim të fortë në nivelin e dëmtimit të aftësive njohëse midis atyre që iu nënshtruan testeve 6 muaj pas shtrimit në spital dhe pacientëve të testuar 10 muaj më vonë, megjithëse kishte aludime për njëfarë përmirësimi.

Ata do të rikontaktojnë me ta për teste të mëtejshme, për të parë nëse është shfaqur ndonjë lidhje më e fortë. Menon shton se hetimi i rënies së aftësive njohëse te pacientët me Covid-19, mund t?i ndihmojë jo vetëm këta të fundit, por edhe ata që kanë përjetuar probleme të ngjashme pas sëmundjeve të tjera.

?Testet që do të jemi në gjendje të kryejmë do të na japin mundësi t’i kuptojmë mekanizmat themelorë dhe të prodhojmë trajtime efektive për të parandaluar ndodhjen e këtij fenomeni, dhe ndoshta për ta trajtuar atë më vonë, – tha ai.

Përkthyer dhe përshtatur nga CNA.al





Lajmet e fundit nga