web counter
LEXO PA REKLAMA!

SHKARKO APP

App Store
Google Play

Sulmohet sërish Policia e Kosovës/ Qëllohet me armë zjarri në veri

26 Prill 2022, 07:50, Kosova & Bota CNA

Mëngjesin e sotëm, është sulmuar sërish një njësi patrulluese e Policisë së Kosovës.

Mësohet se sulmi me armë zjarri ka ndodhur në fshatin Zupçe të Zubin Potokut. Përveç dëmeve materiale në automjete nuk raportohet për zyrtarë të lënduar.

Lajmin për Gazetën Express e ka konfirmuar policia. Sulmi i sotëm ndaj Policisë së Kosovës është vazhdimësi e disa sulmeve të ndodhura ditëve të fundit.

“Sot në orët e hershme të mëngjesit, konfirmojmë se është sulmuar një njësi patrulluese kufitare, në fshatin Zupçe të Zubin Potokut.

Lidhur me rastin janë ndërmarrë të gjitha veprimet e menjëhershme policore, ku në vendngjarje kanë dalë edhe njësitet policore të rendit nga stacioni policor Zubin Potok, të cila kanë njoftuar se njësiti kufitar janë sulmuar me armë zjarri, përveç dëmeve materiale në automjet nuk raportohet për zyrtarë të lënduar.

Policia e Kosovës, në bashkëpunim dhe koordinim me organet e drejtësisë janë duke ndërmarrë të gjitha veprimet e nevojshme hetimore lidhur me rastin, përderisa ka shtuar masat policore me qëllim të sigurisë së zyrtarëve policorë dhe qytetarëve.”-thuhet në njoftimin e policisë.





Lajmet e fundit nga