web counter
LEXO PA REKLAMA!

SHKARKO APP

App Store
Google Play

E fundit!

x

KMSH jep lajmin e mirë për besimtarët myslimanë/ Rikthehet organizimi i haxhit

20 Prill 2022, 13:58, Aktualitet CNA

Komuniteti Mysliman i Shqipërisë ka dhënë një lajm të mirë për gjithë besimtarët myslimanë.

KMSH bën të ditur se pas dy vitesh ndërprerjeje rikthehet organizimi i haxhit për besimtarët e vendit tonë.

Besimtarët e interesuar duhet të kenë marrë dy doza vaksinash, ndërsa duhet të paraqitet një test negativ PCR i bërë brenda 72 orëve para hyrjes në Mbretërinë e Arabisë Saudite. Gjithashtu fasha e lejuar e moshës është deri në 65 vjeç. Besimtarët e interesuar duhet të regjistrohen në linkun e mëposhtëm.

?Komuniteti Mysliman i Shqipërisë, njofton të gjithë të interesuarit se pas dy vitesh ndërprerjeje rikthehet organizimi i haxhit për besimtarët e vendit tonë.

Bazuar në shkresën e Ministrisë së Haxhit dhe Umres të Mbretërisë së Arabisë Saudite, këtë vit do të mund të kryejnë haxhin të githë besimtarët të cilët fillimisht duhet të përmbushin kushtet e mëposhtme:

Mosha maksimale e lejuar është 65 vjeç.

Të interesuarit duhet të jenë të vazksinuar (me dy doza) kundër COVID 19, që janë të aprovuara nga Ministria e Shëndetësisë së Arabisë Saudite.

Testi PCR negativ, i bërë brenda 72 orëve para hyrjes në Mbretërinë e Arabisë Saudite.

Të gjithë të interesuarit mund të bëjnë regjistrimin paraprak për haxhin 2022 në linkun e bashkëngjitur: https://www.kmsh.al/formular-regjistrimi-paraprak-haxhi…/?, thuhet në njoftimin e KMSH.

Kujtojmë se rituali pesëditor është një prej pesë shtyllave të Islamit dhe detyrë që duhet ta kryejë një herë në jetë secili mysliman që ka aftësi fizike dhe mund ta përballojë udhëtimin.

Çdo vit, më shumë se 2 milionë pelegrinë nga 180 vende të botës udhëtojnë në Mekë, në atë që zakonisht është një prej organizimeve më të mëdha fetare.

Por që prej pandemisë së Covid-19 ky organizim ka ndryshuar për të shmangur përhapjen e virusit në territorin saudit./ CNA.al





Lajmet e fundit nga