web counter
LEXO PA REKLAMA!

SHKARKO APP

App Store
Google Play

E fundit!

x

“Qesharak dhe i rrezikshëm”/ Ramës nuk i del inati me Metën: I vetmi që dekoron të vdekurit

19 Prill 2022, 08:37, Politikë CNA

Kryeministrit Edi Rama duket se nuk i del inati me Presidentin Meta.

Rama tha gjatë mbledhjes me anëtarët e grupit parlamentar të PS se duhet vendosur një standard që Presidentë të ngjashëm me Metën të mos vendosen më.

Rama foli edhe për zgjedhjen e Presidentit nga populli, për të cilën tha se duhen bërë disa ndryshime Kushtetuese. Ai komentoi edhe vendimin e Gjykatës së Lartë për shkarkimin e Metës.

Sipas tij, Presidenti kishte bërë shkelje dhe shtoi se nuk e ka kuptuar vendimin për të mos e shkarkuar.

?Sot, jemi përballë një sfide që duhet ta shohim si një përgjegjësi të madhe dhe jo si mundësi të lehtë për t?i imponuar vendit një president apo presidente që do i përmbushte vendit thjesht me sukses gjysmën e kornizës politike të Shqipërisë duke qenë faktikisht tërësisht e ngjyrosur politikisht. S?është kjo që na duhet dhe duhet të bëjmë. Ajo që duhet të bëjmë së bashku duke i hapur rrugë sugjerimeve të gjithsecilit këtu, në një proces konfidencial. Ne s?bëjmë diskutim të hapur në këtë fazë e të japim emra. Duhet një rezervuar mendimesh ku do të identifikojmë bashkërisht kandidaturën më të përshtatshme. Procesi nuk mbetet i mbyllur brenda grupit parlamentar e për këtë arsye kemi një komision të përbërë nga kryetari i grupit, ministrja Spiropali dhe Gjiknuri, për të diskutuar me pjesët e tjera të Kuvendit të Shqipërisë. Ka pasur dhe ka aktualisht një debat lidhur me psenë e moszgjedhjen e

Presidentit të Republikës nga populli dhe ripërsëritjen e të njëjtit proces që mbetet i kufizuar nga veprimtaritë e partive politike në Kuvend. Është një temë e cila meriton të diskutohet.

Ne kemi detyrimin t?ia japim njerëzve mundësinë të shprehen për këtë temë dhe përcaktuar disa piketa. Shqipëria është një republikë e pastër Parlamentare dhe si e tillë s?ia mban dot në ngrehinën e vet një presidenti të zgjedhur nga populli me këto atribute dhe kompetenca që figura e kreut të shtetit ka sot. Patjetër që Shqipëria mund të zgjedhë një president nga populli nëse ndryshon Kushtetutën dhe i jep Presidentit disa instrumente që e bën një figurë të zgjedhur nga populli që ka peshën e vet, bazuar në atributet që i jep Kushtetuta dhe që nuk bëhet qesharak edhe i rrezikshëm duke rrëshqitur nga binaret e Kushtetutës si Meta. Ai shkeli Kushtetutën, e konfirmoi Gjykata Kushtetuese, por duke e lënë në mes të rrugës vendimin e vet pasi e konsideroi shkeljen jo mjaftueshëm të rëndë. Çfarë duhet të bënte tjetër Meta që të shkarkohet, këtë s?e mësojmë kurrë?, tha Rama./CNA.al





Lajmet e fundit nga