E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Sula kundër legalizimit të kanabisit/ “Rama kërkon të kthejë biznesmenët në fasadë të krimit të organizuar"

7 Prill 2022, 15:00, Politikë CNA

Deputeti demokrat Dashnor Sula, ka reaguar në lidhje me legalizimin e kanabisit për arsye shëndetësore, deklaratë e bërë më herët gjatë ditës nga kryeministri Edi Rama pas publikimit të të dhënave të Formularit të Këshillimit Kombëtar.

Me anë të një postimi në rrjetin social Facebook, Sula tha se një hap i tillë është ?dora e fundit? që i jepet shpupullimit të vendit. Ai ka kujtuar se në raportet e përpiluara nga DASH apo BE, vendi ynë është konsideruar gjithmonë si problematik sa i përket drogërave të ndryshme, e deklarata e Ramës do të përkeqësonte gjendjen. Ai ka akuzuar kryeministrin se do ti kthejë biznesmenët në fasadë të krimit të organizuar. Sula ngriti gjithashtu problematikën e zhdukjeve të kulturave të tjera bujqësore, që nga misri, gruri apo frutata, pasi fermerët do të priren të mbjellin kanabisin si bima me më shumë përfitime.

Postimi i plotë:

?Njeriu i cili do mbahet mend se që në mandatin e par qeverisës pati një ministër të brendshëm të arrestuar për drogë, ka dalë sot me paralajmërimin e legalizimit të Kanabisit Farmaceutik.

-Njeriu i cili do mbahet mend se gjatë qeverisjes së tij 30% apo 40% e punonjësve të policisë rezultuan përdorues të drogës në testin që bëri vet policia, ka vendosur legalizimin e kriminalitetit nën petkun e justifikimit të këshillimit kombëtar.

Me formularët e plotësuar në zyrat e patronazhistëve, kryeministri kërkon ti jap dorën e fundit shpopullimit të vendit.

Nga raportet vjetore të Departamentit Amerikanë të Shtetit, Shqipëria është vlerësuar çdo vit edhe më keq që nga 2013. Sipas raporteve të DASH por edhe të organizatave të BE, Shqipëria është kthyer në magazinë dhe koridor i drograve të forta dhe të rënda që më pas transportohen drejt BE. Shqipëria e cila kritikohet vazhdimisht për nivelin e lartë të korrupsionit sipas SULLTANIT duhet të legalizojë kanabis-in?.

Kryeministri Rama do ti kthejë biznesmenët në fasadë të krimit të organizuar. Nëse kjo maxhorancë do të miratojë vërtet ligjin e legalizimit të kanabisit do të shihni shumë shpejt sesi biznesmenët do të përdoren si ushtarë të bandave kriminale për të marrë liçensat për të ngritur fermat dhe më pas kontrolli do bëhet nga kriminelët.

Në shqipëri nuk do ketë më logjikë ekonomike dhe do shikoni sesi do humbasë çdo kulturë bujqësore. Fermerët nuk do kenë anjë interes për të kultivuar, grur, misër, fruta apo çfarëdo lloji kulture tjetër pasi do mbjellin kanabis.

Skema e legalizimit të kanabisit ka dështuar në Maqedoninë e Veriut që ka nivel kriminaliteti më të ulët se sa Shqipëria, ndaj këtu jo vetëm do dështoj projekti por do drogohet shoqëria!?/ CNA.al