“Bllakos iu kërkua të zbatojë rregullin e Omerta-s mafioze”/ Vokshi: SPAK duhet të hetojë

2 Prill 2022, 13:52, Politikë CNA

Deputetja demokrate, Albana Vokshi ka akuzuarqeverinë dhe kryeministrin Edi Rama, se janë të gatshëm të bëjnë çdo gjë në mënyrë që të pengojnë drejtësinë të bëjë punën e saj. Në një konferencë nga selia e Partisë Demokratike, Vokshi u shpreh se zgjidhja e çështjes së arratisë së ish deputetit socialist Alqi Bllako, u bë vetëm pas një reagimi të fortë publik. Ajo kërkoi nga SPAk që të hetojë në lidhje me vonesën e policisë në ekzekutimin e urdhër-arrestit të lëshuar nga Prokuroria e Posaçme për Bllakon.

?Fshehja dhe dorëzimi i kontrolluar i Alqi Bllakos për shumë e shumë orë tregon se Edi Rama dhe vartësit e tij në Policinë e Shtetit janë gati të bëjnë gjithçka për të penguar drejtësinë. Fakti që Policia e shtetit me urdhër politik nga Edi Rama luajti lojën e kungulleshkave, tregon panikun dhe tmerrin nga dekonspirimi që mund t?i bëjnë bashkëpunëtorët e tij, në aferën korruptive të shekullit. Kur SPAK njoftoi se do të arrestonte deputetin e Ramës për korrupsionin gjigand me inceneratorët, kryeministri, Ministri i Drejtësisë dhe një tabor i tërë me zyrtarë të lartë u betuan për zbatimin e Reformës në Drejtësi. Por, ajo që ndodhi më pas ishte një skandal i vërtetë, një skemë kriminale që u parandalua vetëm për shkak të reagimit publik?, tha ajo.

Vokshi u shpreh se në një kohë që Policia nuk ishte në dijeni të vendndodhjes së Alqi Bllakos, ky i fundit mee shumë mundësi ishte në negociata me Edi Ramës dhe minitsra të tjerë të qeverisë së tij, të cilët gjithashtu janë të implikuar në aferën korruptive të inceneratorëve.

?Askush nuk e thotë se ku ishte Alqi Bllako për më shumë se 12 orë. Sipas informacioneve, atij i është kërkuar që të zbatojë rregullin e Omerta-s mafioze, të mbyllë gojën e të mos tregojë shefat e përfshirë në skandalin qindra milionë euro të inceneratorëve. Qytetarët shqiptarë e kanë shumë të qartë që Alqi Bllako nuk është as koka dhe as bishti i këtij korrupsioni gjigand. Ai është një hallkë, i cili duhet të vuajë pasojat e veprimeve të tij kriminale. PD i kërkon SPAK të zbardhë skandalin me policinë politike të shtetit?, shtoi ajo./ CNA.al