web counter
LEXO PA REKLAMA!

SHKARKO APP

App Store
Google Play

E fundit!

x

Dorëzimi i Alqi Bllakos/ Vasili: Ishte i vonuar, policia u vu në dispozicion të tij

1 Prill 2022, 14:40, Politikë CNA

Pas pesë ditësh në arrati, ish deputeti socialist Alqi Bllako është dorëzuar në orët e para të mëngjesiut të sotëm në në Drejtorinë e Policisë vendore, në Tiranë. CNA.al mësoi nga burimet e saj të sigurta, se vetëdorëzimi i Bllakos është bërë pasi më parë ka siguruar statusin e dëshmitarit të mbrojtur të akuzës. Në lidhje me ngjarjen ka reaguar edhe nën kryetari i Lëvizjes Socialiste për Integrim, Petrit Vasili. Në një intervistë për mediat, ai ka akuzuar policinë se ka aftësinë të reagojë shpejt në rastet kur preket qeveria, ndërsa në raste të tilla si ajo e zotit Bllako, shpenzohen orë të tëra kot për një urdhër arrest që duhej ekzekutuar në vetëm disa minuta.

?Policia ka dhunuar të rinj dhe gazetarë në mes të ditës. Është një polici që vepron me shpejtësi të jashtëzakonshme për gjërat që i prishin qetësinë e qeverisë, ndërsa për një procedurë ndalimi shpenzohen orë dhe orë të tëra, derisa personi në fjalë dorëzohet, i cili është në probleme të mëdha me ligjin. Në sfondin e këtyre historive ka gjithmonë kombinacione dhe pakte për mbyllje goje dhe që favorizojnë njërin apo tjetrin. Është për të ardhur keq që policia vihet në pozicione të tilla, sepse SPAK-u kishte një deklaratë të qartë me daljen e urdhrit të ndalimit dhe arrestimit, kjo gjë duhet të ishte ekzekutuar për punë minutash?, tha ai.

Vasili ka akuzuzar SPAK se lejoi që paratë e inceneratorëve të përdoreshin për të blerë votat nga qeveria më 25 prill.

?Ka kaluar një vit nga 3 kallëzimet e LSI-së me dokumente të pakundërshtueshme që provonin veprimtarinë korruptive qysh nga kryeministri. Tregohet se si kryeministri dhe të gjithë kishin vepruar si një grup i strukturuar kriminal dhe miliona përfundonin në xhepat e qeveritarëve. SPAK-u duhet të vepronte një vit më parë, por SPAK-u dhuroi për shkak të regjisë së qeverisë që paratë e incineratorëve të përdorin në 25 prill për të blerë vota?, tha ai./ CNA.al





Lajmet e fundit nga