web counter
LEXO PA REKLAMA!

SHKARKO APP

App Store
Google Play

E fundit!

x

Kuvendi miraton Paketën e Rezistencës Sociale/ Familjet e pasura do të paguajnë më shtrenjtë energjinë elektrike

31 Mars 2022, 19:22, Politikë CNA

Kuvendi ka miratuar në seancën e sotme me 77 vota pro paketën e Rezistencës Sociale, një paketë e cila synon të ndihmojë shtresat në nevojë në përballimin e krizës ekonomike.

Kryeministri Edi Rama e bëri me dije se Paketës do t?i shtohet mbështetja për naftë falas për fermerët. Ai sqaroi se si pasojë e kësaj skeme, fermerët do të financohen me 14 mln dollarë.

Rama sqaroi se po bëhet një studim nga ministria e Energjisë që familjet e pasura të paguajnë më shumë për çmimin e energjisë.

“Nuk do e rrisim çmimin e energjisë elektrike. Ndërkohë ministria e Energjisë po bën një studim për familjet e pasura, jo për të rikthyer fashat e tmerrshme që na çuan në katastrofë totale dhe na lanë  në buzë të humnerës në vitin 2013 për të parë nëse mund të bëjmë një ndarje të përkohshme ku ata që kanë më shumë të paguajnë më shumë në energjinë elektrike. Asnjë familje të mos ketë kosto rritje për çmimin e energjisë. Po shikojmë një mundësi, për një periudhë të përkohshme, ku ata që kanë më shumë, të paguajnë më shumë për faturën e energjisë”, u shpreh  Rama.

Paketa e Rezistencës u bë publike nga kryeministri pas protestave të shumta të qytetarëve mbi masat që duhet të merrte qeveria për përballimin e çmimeve të larta të naftës dhe produkteve të shportës./CNA.al





Lajmet e fundit nga