web counter
LEXO PA REKLAMA!

SHKARKO APP

App Store
Google Play

E fundit!

x

“Përgjegjësia është individuale”/ Ish-ministri “shuplakë” Ramës, nuk kursen as SPAK

31 Mars 2022, 08:31, Politikë CNA

Ish-ministri i Drejtësisë, Ylli Manjani ka reaguar në lidhjë me deklaratën e kryeministrit Edi Rama, i cili i pyetur nga gazetarët në lidhje me kërkesën për arrestimin e deputetit Alqi Bllako, tha se ?përgjegjësia është individuale?.

Në një postim në rrjetet sociale, Manjani shkruan se përgjegjësia penale është individuale, por ajo politike është kolektive.

Po ashtu Manjani shigjeton edhe SPAK, ndërsa shkruan se dështimi është se nuk heton e dënon korrrupsionin por merret me shpërdorimin e detyrës, nen që ka mbetur që nga komunizmi.

?Po mor po, përgjegjësia penale është INDIVIDUALE! Nuk e thotë Edi Rama këtë, por jurisprudenca. Parimet themelore të saj.

Dhe po, padyshim që arrestohen (kur e do ligji jo populli), hetohen e gjykohen zyrtarë të çdo niveli.

Dhe po, fillohet nga nivelet e ulëta me një llogjikë të thjeshtë:

o të tregojnë urdhërat/skema e fshehta që kanë marrë nga boset ose ta mbajnë vetë në kurriz përgjegjësinë. Nëse vartësit pranojnë të bëjnë burgun e shefave të tyre, t?u bëjë mirë.

Në fund të fundit duhet ta mësojnë të gjithë punonjësit publikë se nuk janë aty për ti shërbyer bosit, por publikut dhe interesit të tij.

Kam vetëm një keqardhje që më buron nga proceset e stisura e të pakopsitura me prova. Të papranueshme janë gjithashtu arrestimet e tipit shoë. Dështim është që SPAK nuk heton e dënon korrrupsionin por merret me shpërdorimin e detyrës, nen që ka mbetur që nga komunizmi.

Ashtu siç mbetet i papranueshëm standardi dy apo disa fish i trajtimit të pabarabartë të shtetasve para ligjit.

Po që përgjegjësia është individuale, këtë s?e luan as topi.

Përgjegjësia politike është kolektive, por këtë e ndan vetëm vota.

Na pëlqen apo jo, kështu është.

Përgjegjësia politike nuk shqyrtohet nga asnjë gjykatë sot në rruzullin demokratik.

Të tjerat janë moral sipas qejfit të secilit??-shkruan Ylli Manjani./CNA.al





Lajmet e fundit nga