web counter
LEXO PA REKLAMA!

SHKARKO APP

App Store
Google Play

“Rusët kanë luajtur me ne që nga dita e parë”/ Kryetari i Mariupolit bën thirrje për evakuim të plotë të qytetit

28 Mars 2022, 14:17, Kosova & Bota CNA

Kryetari i bashkisë së qytetit port ukrainas të Mariupol deklaroi sot se qyteti i tij ishte “në duart e pushtuesve”, pas një jave rrethimi nga forcat ruse që rrafshuan qytetin, duke lënë një numër të konsiderueshë civilësh të vdekur dhe duke larguar qindra mijëra njerëz me detyrim nga shtëpitë e tyre.

“Jo gjithçka është në fuqinë tonë. Fatkeqësisht sot jemi në duart e pushtuesve. Sipas vlerësimeve tona, rreth 160,000 njerëz ndodhen sot në qytetin e rrethuar të Mariupolit, ku është e pamundur të jetosh sepse nuk ka ujë, ushqime apo ngrohje. Ne kemi nevojë për një evakuim të plotë nga Mariupol. Misioni ynë më i rëndësishëm sot është të shpëtojmë çdo jetë… Dhe ka shpresa se do të kemi sukses. Për shembull, janë 26 autobusë që duhet të shkojnë në Mariupol për t’u evakuuar, por fatkeqësisht nuk kanë marrë leje për të lëvizur. Dhe kjo lojë luhet çdo ditë. Një lojë cinike, Ata thonë – Po, ne jemi gati. Mund të shkoni atje,- por në fakt kjo nuk realizohet. Shoferët tanë heroikë edhe nën sulme armësh po përpiqen të arrijnë në vendet ku mund të merren banorët e Mariupolit dhe presin me shpresën se do ta kenë një mundësi të tillë. Por Federata Ruse ka luajtur me ne që nga dita e parë“, tha Vadym Boichenko, kryebashkiaku i Mariupolit, në një intervistë të drejtpërdrejtë televizive.

Zyrtarët ukrainas kanë pretenduar se forcat ruse kanë penguar autokolonat humanitare të afrohen ose të dalin në mënyrë të sigurt nga qyteti. Një udhëheqës separatist pro-rus të dielën tha se rreth 1,700 banorë të Mariupolit po “evakuoheshin” çdo ditë nga qyteti dhe rrethinat e tij, por zyrtarët ukrainas thonë se rusët në fakt kanë kryer atë që ata e përshkruajnë si deportim të dhunshëm të mijërave në Rusi./ CNA.al





Lajmet e fundit nga