web counter
LEXO PA REKLAMA!

SHKARKO APP

App Store
Google Play

E fundit!

x

Ku ka humbur Ilir Meta?

27 Mars 2022, 12:14, Politikë CNA

Kriza ekonomike ka mbërthyer vendin, varfëria sa vjen dhe shtohet, Qeveria, ngre borde e bën plane, qytetarët protestojnë e Presidenti Ilir Meta s ?duket gjëkundi.

Pas vendimit të Gjykatës Kushtetuese, për mos shkarkimin e tij, Meta, është tërhequr nga ?lufta? me Qeverinë, duke i miratuar disa projektligje dhe duke mos kontestuar asnjë nga situatat me të cilat qytetarët po përballen çdo ditë.

Presidenti i kosave dhe sfurqeve, është zbutur, është zhdukur nga skena, ndoshta për të pritur Korrikun kur i përfundon mandati e për t?u kthyer në partinë e tij në LSI-së.

Megjithëse edhe nga posti i Presidentit herë herë është shfaqur edhe si kryetar i LSI-së.

Sot, Presidenti ?rebel?, që shante dhe bërtiste në zyrat e FRD-së, Presidenti që u përplas dhunshëm me policinë bashkiake, madje i kërcënoi se do t?i fusë në burg, ka humbur.

Meta, që sa herë ndodhet në vështirësi ?kërcet dhëmbët?, me 2 Marsin, paralajmëron furtuna dhe gjëma, është zhdukur nga qarkullimi, përveçse tek tuk me ndonjë dekoratë sa për të thënë që është ende në Presidencë.

Kriza ekonomike, duket se nuk e shqetëson Presidentin tonë, që jep jetën për Kushtetutën që e pute, sa herë sheh veten ngushtë, nuk i shqetëson fëmijët e tij, që studiojnë e shkollohen jashtë vendit.

Në heshtje Meta ka qëndruar edhe për situatën opozitare, atë çfarë po ndodh në PD.

I cilësuar nga Lulzim Basha si një nga brirët e trekëndëshit të Bermundes, Meta ka heshtur edhe  pas dorëheqjes së tij.

Ku ka humbur Ilir Meta që deri më dje dilte thuajse gjithë ditën në ekrane, për problemin më të vogël edhe duke shkelur mbi vetë Presidentin?/CNA.al





Lajmet e fundit nga