web counter
LEXO PA REKLAMA!

SHKARKO APP

App Store
Google Play

"Ky është zhgënjimi më i madh në karrierën time", Mançini i tronditur: Fati që na ndoqi në Europian, na u kthye kundër në rrugën e Botërorit

24 Mars 2022, 22:37, Sport CNA

Roberto Mançini ka mbetur i tronditur nga eliminimi i Italisë në rrugëtimin esaj drejt Botërorit nga Maqedonia. Duke folur për RAI pas sfidës, ai ka pranuar se ishte pa fjalë, dhe e ka cilësuar mungesë fati atë që ndodhi në Palermo.

?Nëse fitorja e Europianit në korrik ishte gëzimi më i madh i imi në aspektin profesional, kjo është padyshim zhgënjimi më i madh. Shpesh në futboll ndodhin gjëra të pabesueshme, ndoshta as nuk duhej të ishim në play-off. Sonte bëmë gjithçka që të mundoheshim të fitonim, as nuk mund të flitet për ndeshjen?

Fitorja e Europianit ishte super e merituar, kemi luajtur shumë mirë. Le të themi që fati i cili na ka ndjekur pak në Europian, u transformua në mungesë të plotë fati në rrugëtimin drejt Botërorit. Kjo skuadër ka lojtarë të mirë, më vjen shumë keq për ta. Në aspektin njerëzor, i dua më shumë djemtë sot sesa në korrik, ky është një moment vështirësie.

E ardhmja ime? Do të shohim, është e vështirë të flasësh tani për javët dhe muajt e ardhshëm. Duhet të lejojmë të kalojë pak kohë, pasi zhgënjimi është shumë i madh. Kjo skuadër, sipas meje, mund të ketë një të ardhme të madhe?, theksoi Mançini pas sfidës.





Lajmet e fundit nga