E fundit!

07:54 Politikë

E enjte intensive për Kuvendin/ Projektligje dhe 6 interpelanca me Ramën dhe ministrat

Kjo e enjte pritet të jetë një ditë me diskutime të shumta...

“Të korruptuarit janë në ankth”/ Ngjela bën paralajmërimin e fortë: Prisni dhe shikoni

8 Mars 2022, 13:10, Politikë CNA

Avokati Spartak Ngjela shkruan se të korruptuarit e mëdhenj të Shqipërisë janë tani në ankth, nga situata në Ukrainë.

Sipas tij korrupsioni i lartë shtetëror në Tiranë është me Putinin.

Ngjela paralajmëron se shembja e Rusisë putiniane e dërmon tërësisht korrupsionin e lartë shtetëror në Ballkanin Perëndimor.

Më tej, ai thekson se Putini ka derdhur shumë para në mbrojtje dhe në financimin e korrupsionit Shqiptar dhe rrëzimi i tij do t’i zbardhë të gjitha.

?Korrupsioni i lartë shtetëror në Tiranë është me Putinin.

I. Të korruptuarit e mëdhenj të Shqipërisë janë tani në ankth, se po shohin dekadencën e forcës tiranike Putin, si pasojë e rezistencës së Ukrainës.

Midis tyre, Saliu ka vënë stemën e Ukrainës në xhaketë, por paratë e korrupsionit ka shpresën t’ia shpëtojë Putini.

Edhe të tjerët vjedhës politikë të shqiptarëve, kështu janë, por nuk veprojnë si i tremburi Sali me stemën e Ukrainës.

Do shihni komedinë tragjike pas një muaji.

II. Ukraina po e mposht Rusinë e çorientuar nga presidenti rus Vladimir Putin.

Psikika e një diktatori absolut krijon konflikte lufte nën një pasion të dyfishtë: ai ka njëherësh dëshirë për pushtet dhe për luftën që i duhet të garantojë pushtetin.

Ky është edhe Putini sot.

Prandaj ka humbur. Nuk mund të ketë më shpresë për të fituar luftën; dhe pas humbjes së tij, do të ketë një ndryshim thelbësor të zhvillimit në vendet e Ballkanit Perëndimor. I gjithë korrupsioni dhe rusizmi i Ballkanit Perëndimor, shpresoi shumë te Putini.

Tani është në shqetësim, dhe prandaj po gënjejnë në çdo çast nëpër mediat e tyre për ngadhnjimin rus, që nuk ekziston. Por lodhen kot.

Edhe luftën e Ukrainës, kuptohet se skema amerikane antikorrupsion po e drejton. Janë të lidhura. Shembja e Rusisë putiniane e dërmon tërësisht korrupsionin e lartë shtetëror në Ballkanin Perëndimor. Shumë para ka derdhur Putini në mbrojtje dhe në financimin e korrupsionit Shqiptar. Rrëzimi i Vladimir Putinit do t’i zbardhë të gjitha.

Prisni dhe shikoni.?-shkruan Ngjela./CNA.al