Nga Rama, Basha dhe Berisha/ Çfarë treguan zgjedhjet e 6 Marsit, mesazhi për ambasadorët

7 Mars 2022, 10:33, Politikë CNA

Ish-ministri i Drejtësisë, Ylli Manjani ka bërë një analizë pas zgjedhjeve të djeshme, në gjashtë bashki.

Në një postim në rrjetet sociale, Manjani shkruan se grupimet politike në vend kanë humbur qytetarinë jo politike.

Sa i takon Lulzim Bashës, ai thekson se tashmë është bërë një ?meme?, ndërsa Edi Rama dhe Sali Berisha, sipas Manjanit, janë dy politikanët që motivojnë shumicën e votës militante.

Më tej Manjani thekson se vendi ka nevojë urgjente për alternativë politike, ndërsa nuk lë pa shigjetuar edhe ambasadorët, për të cilët thotë se as të japin e as të heqin vota.

?Disa përfundime post 6 mars.

1. Grupimet politike në vend kanë humbur qytetarinë jo politike. Shtresën e mesme dhe masën e madhe të shqiptarëve jo partiakë. Mospjesmarrja në votime është shumë më e lartë sesa ata që votojnë.

Vota qartësisht ndahet numerikisht sipas votuesve militantë, votuesve të interesit dhe rrethit familjar.

2. Edi Rama dhe Sali Berisha janë dy politikanët që motivojnë shumicën e votës militante. Rama ca më shumë sepse është në krye të pushtetit.

Berisha pas rikthimit mbetet ende politikan frymëzues, ndonëse ende jo në masën e madhe të popullsisë.

3. PS tashmë është bërë një monstër elektorale. Megjithse keqqeveris, abuzon e ja fut rregullisht këtij mileti, prap votohet.

4. Vendi ka nevojë urgjente për alternativë politike. Këto (alternativat pra) që janë në xhiro garantojnë qelbjen e Ramës në qeveri.

5. Luli Basha tashmë është meme. Politikisht i mbaruar. Kohë e votë e humbur. Ende një thikë e pushtetit e ngulur në kurriz të opozitës zyrtare.

Nuk bën dot as opozitë e as alternative kur të vesh pushteti me pantallona teritali?

6. Partitë e vogla duhet të shpejtojnë të japin me qera selitë e tyre, se vota nuk kanë më.

7. Ambasadorët as të japin e as të heqin vota. As e qeth njeri për ta. U rrofshin selfiet.

8. Një sistem proporcional kombëtar dhe një parlament më dy dhoma mund ta zbuste disi keqpërfaqësimin politik, por nuk do të zëvendësonte dot nevojën për alternativë politike.?-shkruan Ylli Manjani./CNA.al