web counter
LEXO PA REKLAMA!

SHKARKO APP

App Store
Google Play

E fundit!

x

“Edhe fituesi duhet ta mendojë një ditë humbjen”/ Patozi ‘tallet’ me Bashën, i kujton ‘serenatën’ e fitores

7 Mars 2022, 15:10, Aktualitet CNA

Ish-koordinatori i Bindjes Demokratike, Astrit Patozi ka ironizuar me deklaratat e kryetarit të shkarkuar Lulzim Basha, pas humbjes në zgjedhjet lokale të 6 marsit në 6 bashki të vendit.

Me tone ironike Patozi shkruan se me këtë që thotë Basha, i bie që ata që nuk kanë shkuar të votojnë të jenë të gjithë me PD zyrtare.

EDHE FITUESI DUHET TA MENDOJË NJË DITË HUMBJEN

Domethënë këta që nuk kanë shkuar të votojnë dje qenkan të gjithë me PD-në zyrtare. Që i bie fitore publicitare me mbi 70 përqind. Ashtu duhet të jetë, në fakt, se ndryshe nuk do të dilte para të gjithëve Lulzim Basha që të përshëndeste zgjedhësit e vet për suksesin.

Me sa duket e ka harruar që e ka përdorur një herë këtë metodë 3 vjet të shkuara, kur i bojkotoi fare zgjedhjet. Madje atëherë ishin bashkë me udhëheqësin e foltores dhe e këndonin në një duet perfekt këtë serenatën e fitores, duke i numuruar si të vetët të gjithë abstenuesit.

Nuk ka qëlluar keq, se ata do të jenë gjithmonë shumicë, sa herë të ketë zgjedhje në Shqipëri, besoj edhe për nja 50 vjet të tjera.

Kështu që në gjithë këtë gurgule i takon të ketë humbur vetëm doktorin.

Atë duhet ta llogarisë që nuk e ka më kurrë, jo vetëm për këngë, por as për të vajtuar në rast, larg qoftë, të ndonjë disfate. E cila nuk mund të përjashtohet se mund të vijë një ditë, edhe pse deri tani nuk ka pasur fare shanse të ndodhë.

 





Lajmet e fundit nga