E fundit!

10:40 Denoncim

Zbulohet skema/ Trekëndëshi: Bashkia e Tiranës - “Kuadr.com” - Arbër Veliaj

CNA ka nisur një tjetër investigim që mund të çojë drejt z...

Nga votimet familjare tek mesazhet e kandidatëve/ Procesi zgjedhor në Dibër mes problematikave

6 Mars 2022, 16:33, Politikë CNA

Komiteti Helsinkit gjatë vëzhgimit të procesit zgjedhor, ka konstatuar disa problem

Në Bashkinë Dibër, sipas KH-së, klima e votimit është e qetë por komisionerët nuk janë trajuar mjaftueshëm si dhe subjektet zgjedhore vijojnë të thyejnë heshtjen zgjedhore me mesazhet telefonike.

Problematika e mosrespektimit të procedurave të ndihmës që duhet t?i ofrohet zgjedhësve që nuk votojnë dot vetë nga familjarë të tyre vazhdon të mbetet shqetësuese.

Shkak kryesor për këtë problematikë, nga anëtarët e KQV-së referohet të jetë mostrajnimi i duhur i tyre për dokumentuar situate të tilla (QV 1212).

Paqartësia e anëtarëve të Komisionit lidhur me procedurën në këto raste ka shkaktuar zbatimin e standarteve të ndryshme në QV të ndryshme.

Në QV 1146, një qytetare e moshuar, e cila ka pretenduar që ka probleme me shikimin dhe është paraqitur të votojë me një person të familjes për ta asistuar, nuk është lejuar të asistohet nga ana e anëtarëve të KQV.

Megjithatë, në një rast të mëvonshëm, një tjetër qytetar i moshuar u lejua që të asistohet nga familjari i tij, por në mungesë të verifikimit nëse ky person ishte pjesë e listës së zgjedhësve të kësaj QV si dhe nuk u mbajtën shënimet përkatëse, në kundërshtim të parashikimeve ligjore të nenit 108 të KZ.

Pas adresimit të vërejtjes me shkrim nga ana e vëzhgueses së KShH, në rastet vijuese, anëtarët e QV 1146 dhe 1139/1 kanë vijuar me verifikimin e personave shoqërues në listë dhe mbajtjen e shënimeve përkatëse në Librin e Protokollit.

Gjithashtu, raste të përpjekjeve për votim familjar kanë qenë objekt i vërejtjeve me shkrim të adresuara nga vëzhguesit e KShH (QV 1148, 1212), pas marrjes të të cilës Anëtarët e Komisionit nuk e kanë lejuar votimin familjar, por megjithatë nuk e kanë regjistruar vërejtjen me shkrim në Librin e Protokollit, në kundërshtim me nenin 41, gërma g e Kodit Zgjedhor.

Gjatë kësaj kohe, është konstatuar gjithashtu edhe thyerja e heshtjes zgjedhore, nëpërmjet një mesazhi telefonik që i është dërguar banorëve të Dibrës, duke nxitur qytetarët të votojnë për kandidatin përfaqësues të subjektit politik PD./CNA.al