web counter
LEXO PA REKLAMA!

SHKARKO APP

App Store
Google Play

E fundit!

x

“Në Ukrainë po luftojnë mercenarë nga Shqipëria”/ Xhaçka reagon pas deklaratës së fortë të Putin

4 Mars 2022, 18:22, Aktualitet CNA

Ministrja e Jashtme Olta Xhaçka i është përgjigjur deklaratës së presidentit rus Vladimir Putin, i cili në tefonatën që ka pasur me kancelarin gjerman, Olaf Scholz, është ankuar duke thënë se Ukraina po ndihmohet nga vendet e tjera, përveç Shqipërisë, edhe nga Kroacia, Kosova, por edhe xhihadistë me përvojë të operacioneve ushtarake në Siri.

“Në Ukrainë, po shohim gjithnjë e më shumë mercenarë nga vendet e treta, përfshirë Shqipërinë dhe Kroacinë, militantë nga Kosova dhe madje edhe xhihadistë me përvojë të operacioneve ushtarake në Siri?, tha Putin në bisedën e tij me kancelarin gjerman, Olaf Scholz.

Në reagimin e saj, Olta Xhaçka thekson se nuk ka mercenarë shqiptarë që luftojnë në Ukrainë.

“Nuk ka mercenarë shqiptarë në Ukrainë! Kjo është një gënjeshtër që Moska vazhdon ta përsërisë pa turp! Thënë kështu, Shqipëria qëndron me Ukrainën dhe do të vazhdojë të punojë me të gjithë aleatët dhe partnerët për të ndihmuar në përfundimin e agresionit të paprovokuar të Rusisë ndaj popullit të Ukrainës. Zoti i bekoftë”, shkruan Xhaçka.

Kujtojmë që ligji shqiptar e ndalon një ushatark nga Shqipëria të marrë pjesë në një luftë jashtë vendit. /CNA.al





Lajmet e fundit nga