web counter
LEXO PA REKLAMA!

SHKARKO APP

App Store
Google Play

Ndryshimet në tregun e telekomunikacionit/ SPPTSH mban këtë të premte Kongresin e të 8-të

3 Mars 2022, 17:08, Aktualitet CNA

Sindikata e Punonjesve të Poste-Telekomit Shqiptar (SPPTSH) do të zhvillojë këtë të premte Kongresin saj të 8-të.

Takimi do të mbahet në orën 10:00, në mjediset e Tirane International Hotel & Conference Centre.

SPPTSH është një organizatë sindikaliste e punonjësve të Albtelecom, Teleperformance, Makhes dhe Postës Shqiptare, themeluar në Shkurt të vitit 1991.

Kjo sindikatë po mundohet të vitalizojë jetën sindikale në Shqipëri dhe ka arritur të përfaqësoj me dinjitet punonjëset në punë duke qenë një shembull në shoqërinë Shqiptare.

Në Kongres do të marrin pjesë përfaqësues të institucioneve Shqiptare, organizata ndërkombëtare, përfaqësues të kompanive respektive, delegatë dhe të ftuar.

Kryefjala e këtij kongresi do të jenë ndryshimet që pritet të bëhen në tregun e telekomunikacionit me blerjen e kompanive Albtelecom dhe One nga grupi 4IG. Aktualisht kompania Albtelecom punëson rreth 800 punonjës ndërsa kompania ONE rreth 400 punonjës.

Një bashkim i të dy kompanive jo vetëm do të ndryshonte balancat në tregun e telekomunikacionit por do të hidhte në rrugë dhe shumë punonjës.

Sindikata e Punonjqsve të Poste-Telekomit Shqiptar ështq duke ndjekur tq gjitha procedurat dhe të Komisionit të Konkurrencës, që ka filluar një procedurë të thelluar për vlerësimin e përqendrimit të realizuar nëpërmjet përftimit të kontrollit të shoqërisë Albania Telecom Invest AD nga shoqëria 4iG.

Këto shqetësime dhe zhvillimet e tjera në sektorin telekomunikacionit dhe call centerave do të adresohen në kongresin e 8-të të SPPTSH-së.

 





Lajmet e fundit nga