web counter
LEXO PA REKLAMA!

SHKARKO APP

App Store
Google Play

E fundit!

x

Policia në aksion për lojërat e fatit/ Arrestohen administratori i lokalit, procedohen dy të tjerë

23 Shkurt 2022, 19:56, Kronika CNA

Vijojnë kontrollet për parandalimin dhe goditjen e veprimtarisë së kundërligjshme të lojërave të fatit.

Goditet një tjetër rast i ushtrimit të kësaj veprimtarie në ambientet e një lokali.

Vihet në pranga administratori i lokalit, procedohen penalisht 2 shtetas të tjerë.

Sekuestrohen 2 aparate celulare.

Në vijim të punës për evidentimin dhe goditjen e veprimtarisë kriminale të ushtrimit të paligjshëm të lojërave të fatit, bazuar dhe në informacionet e siguruara në rrugë policore, specialistët e Seksionit për Hetimin e Krimit në Komisariatin e Policisë Tepelenë arrestuan në flagrancë shtetasin A. M., 55 vjeç, banues në Memaliaj (administrator i një lokali), pasi kishte vënë në dispozicion ambientet e lokalit që administronte, për organizimin e lojërave të fatit.

Gjithashtu u proceduan penalisht shtetasit B. M., 60 vjeç, banues në Memaliaj (pronar i subjektit) dhe J. E., 34 vjeç (klient i subjektit), pasi u konstatuan duke ushtruar aktivitetin e lotarive të palejuara në subjektin e shtetasit A. M.  Nga këqyrja e aparateve celulare të këtyre dy shtetasve janë gjetur programe që përdoren për organizimin e basteve sportive online.

Materialet në ngarkim të shtetasve të mësipërm i kaluan Prokurorisë së Rrethit Gjyqësor Gjirokastër, për veprat penale ?Organizimi i lotarive të palejuara”, “Pjesëmarrja në lojërat e fatit që zhvillohen në kundërshtim me ligjin” dhe “Vënia në dispozicion e lokaleve për lojëra të palejuara”.





Lajmet e fundit nga