web counter
LEXO PA REKLAMA!

SHKARKO APP

App Store
Google Play

E fundit!

x

Çfarë do të thotë saktësisht një virus që bëhet endemik?

23 Shkurt 2022, 14:54, Lifestyle CNA

Nga Blerta Brati, mjeke mikrobiologe ne ISHP

Askush nuk e di saktësisht se kur do të jemi në fund të tunelit, por do të arrijmë atje, kjo eshte e sigurt!

Aktualisht, argumenti se rritja e imunitetit në popullatë, permes vaksinimit, dhe imuniteti natyror, përmes infeksionit, na lejon të lëvizim “me shpejtësi drejt një skenari që do të jetë më afër endemisë”.

Por çfarë do të thotë saktësisht një virus që bëhet endemik?

Nga pikëpamja epidemiologjike, është kur situata është e qëndrueshme, për sa i përket numrit të infeksioneve, por edhe ndikimeve në mënyrën tonë të jetesës dhe në sistemin tonë shëndetësor.

Ideja është që të përfundojmë me një sëmundje që nuk do të mbingarkojë sistemer tona shëndetësore dhe që nuk do të jetë shumë vdekjeprurëse apo e dëmshme për shëndetin e individëve. Është gjithashtu një sëmundje e cila përsa i përket masave shëndetësore nuk do të ketë shumë ndikim në mënyrën tonë të jetesës.

Konkretisht, objektivi është që shkalla e riprodhimit të virusit, i njohur zakonisht si “R0”, të jetë një, domethënë që një person i infektuar të transmetojë COVID-19 vetëm te një person tjetër.

Shpresoj se situata përfundimisht do të përmirësohet. Gjithçka do të varet nga dy faktorë: transmetimi i virusit në popullatë dhe imuniteti i popullatës.

Ne endemi njerzit do mesohen te jetojne ne nje situate te re, ku maska mbase do nevojitet vetem per personat simptomatike!

Ne duam të krahasojmë veten me mënyrën se si kemi jetuar para pandemisë, por qeniet njerëzore janë dashur dhe kanë qenë në gjendje të përshtaten me normalet e reja me kalimin e kohës, dhe kjo është ajo që ne do të duhet të bëjmë.

Është e vështirë të parashikohet se si do të ndryshojë stili ynë i jetesës, por njeriu ka dhene prova ne shekuj!

 





Lajmet e fundit nga