web counter
LEXO PA REKLAMA!

SHKARKO APP

App Store
Google Play

E fundit!

x

Spiropali mbron aferën e inceneratorëve/ Janë vepër publike

19 Shkurt 2022, 16:59, Politikë CNA

Ministrja e Shtetit për Marrëdhënien me Parlamentin Elisa Spiropali  ka dalë në mbrojtje të aferës korruptive të inceneratorëve.

Në një intervistë televizive, ajo tha se inceneratorët janë një vepër publike në shërbim të komunitetit, ndonëse për to janë dhënë miliona euro nga taksat e shqiptarëve dhe pse nuk punojnë.

?Po ndodh që komisioni është kthyer në një vend me disa prokurorë qesharakë, karikatura të asaj kohe që me shpatat e tyre të ndryshkura mendojnë se po venë para drejtësisë funksionarë e zyrtarë. Për ne është e qartë. Në momentin që kemi bërë ndarjen me pushtetin politik me atë të drejtësisë, në momentin që kemi marrë vendimin që sistemi i drejtësisë do të jetë i pavarur ashtu siç vijëmësisht o duket nga vendimet ne nuk i ngatërrojmë çështjet. Për ne ato vepra publike janë aty, në shërbim të komuniteteve dhe të qyteteve të Tiranës, Elbasanit e të Fierit dhe kemi bërë të qartë që për ne në rast se ka zyrtarë që kanë abuzuar apo kanë përfituar në kurriz të qeverisë apo të shtetit shqiptar, është drejtësia që merret me ta dhe ne nuk bëhemi strehë për askënd.

Madje nuk mund të lejojmë që për konsum politik të ditës të hidhen shifra qesharake dhe marramendëse, të mohohet një punë që është aty në sy të të gjithë publikut. Mjaftojnë të shkojnë t?i shikojnë veprat në Elbasan, Fier apo kudo tjetër dhe të ndahet njëherë e mirë shapi nga sheqeri. Është drejtësia ajo që përcakton dhe për ne ajo e vendos pikën mbi I në fund. Gjithë kjo zallamahi shifrash që as nuk i kuptojnë, se duket që nuk kanë marrëdhënie të mirë me matematikën por edhe kjo shpifësi e politikës ku çdokush mund të ndotet, sulmohet e t?i bëhet gjyqi e pastaj të shpallet fajtor e të presim që drejtësia të flasë nuk mund të jetë norma. Norma është të gjithë duhet të shkojnë të përgjigjen para një institucioni dhe aty ndahet shumë qartë shapi nga sheqeri.

Ato vepra publike janë aty në shërbim të komuniteteve. Nëse ka zyrtare që kanë përfituar në kurriz të shtetit shqiptar është drejtësia aty. Por nuk mund të mohohet puna, mjafton të shkoni e ti shikoni. Gjithë kjo zallamahi shifrash që nuk i kuptojnë e kjo shpifësi e politikës nuk mund të jetë norma?, tha ajo./E.K-CNA.al





Lajmet e fundit nga