web counter
LEXO PA REKLAMA!

SHKARKO APP

App Store
Google Play

Humbja ndaj Egnatias, trajneri Memelli surprizon me deklaratën

19 Shkurt 2022, 15:21, Sport CNA

Trajneri i Skënderbeut, Migen Memelli, u shfaq tepër i mërzitur, pas humbjes 2-0 që skuadra e tij pësoi ndaj Egnatias. Në prononcimin pas këtij dueli për ?Gol pas Goli?, tekniku pogradecar ndër të tjera u shpreh:

DUELI NDAJ EGNATIAS- Ishte një ndeshje e rëndësishme në këtë pikë që jemi. Donim të bënim një sfidë të kujdesshme ku të kishim edhe shanset tona. U munduam të krijonim një skuadër si ajo e javës së kaluar. Vitijën e futëm direkt, pa shumë stërvitje. Pusin e vendosëm në qendër të mesfushës, nuk mund të kërkonim më tepër.

Hasëm vështirësi, duhet të dilnim me pasime të shkurtër. Morëm një gol të evitueshëm, si pasojë e kthimit të topit, mbrojtja duhet ta largonte topin. I patëm shanset edhe në pjesën e parë, ku duhet të shërbenit, e njëjta gjë edhe në pjesën e dytë. Kështu është futbolli në këtë pikë duhet të pranosh edhe humbje. Të mërzitur dhe të përgjegjshëm për situatën jemi. Ajo që më vret më tepër është që duhet të jemi më shërbyes dhe altruist ndaj klubit. Nuk hyn individi por grupi. Grupi duhet të ngrihet mbi çdo rezultat.

7 HUMBJE RADHAZI ? Drita në fund të tunelit është ajo që kërkoj të kthehen lojtarët e dëmtuar. Në momentin që kthehen të gjithë, është më e lehtë. Sot mungonte Sadriu, Zhan Viktor dhe Xhufo.

Javës tjetër kemi jashtë Marën dhe Kosta Vangjelin. Jo vetëm në futboll por edhe në jetë njeriun do e mbaj krenaria. Jam i bindur që do të gjejmë mënyrën për të dalë nga kjo situatë.

Realitetin duhet ta shikojmë në sy. Të gjithë së bashku duhet të ulim kokën për të parë më të mirën. Ka dhe 15 javë kampionat?, u shpreh Memelli.





Lajmet e fundit nga