E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Si u grabitën 430 milionë euro/ Skema mafioze, inceneratorët “rrëzojnë” Qeverinë

18 Shkurt 2022, 08:33, Politikë CNA

Deputeti i PD, Enkelejd Alibeaj i është përgjigjur kryeministrit Edi Rama në lidhje me aferën e Inceneratorëve.

Në një postim në rrjetet sociale, Alibeaj shkruan se nuk ka shqiptar që e beson se një aferë, ku sipas tij është e përfshirë gjysma e qeverisë bëhet pa miratimin e Ramës.

Më tej, ai shton se me socialistët në krye Shqipëria nuk mund të ketë zhvillim.

Po ashtu ai hedh akuza të forta ndaj Sekretarit të Përgjithshëm të Kryeministrisë, ndërsa thekson se ?Ëngjëll Agaçi përgatiti VKM-në dhe kaloi mbështetjen financiare.?

Sipas Alibeajt, Arben Ahmetaj, Damjan Gjiknuri, Ëngjëll Agaçi, Alqi Bllako, Erjon Veliaj duhet të ishin në burg, me Lefter Kokën.

?A ka shqiptar që e beson se një aferë ku është e përfshirë gjysma e qeverisë, bëhet pa miratimin e Edi Ramës?!

Nga Komisioni Hetimor për Inceneratorët, përditë dalin dëshmitë, se si qeveria Rama u vodhi 430 milionë euro shqiptarëve me aferën e inceneratorëve.

1- Agjencia e Prokurimeve Publike ka njoftuar Ëngjëll Agaçin se procedura për inceneratorin e Elbasanit nuk është ligjore.

Ëngjëll Agaçi përgatiti VKM-në dhe kaloi mbështetjen financiare.

2- Koncesioni i inceneratorit të Elbasanit i është dhënë Albtek Energy me ?negocim pa shpallje?, procedurë që ligji nuk e parashikon.

Arben Ahmetaj jep miratimin për t?i dhënë kompanisë Albtek Energy koncesionin/PPP me ?negocim pa shpallje? një procedurë që është në kundërshtim me ligjin?.

3- Koncesioni për inceneratorin e Elbasanit, duke përfshirë incinerimin dhe shitjen e energjisë, ishte për 7 vite. Me firmën e Damian Gjiknurit qeveria i jep një koncesion tjetër pa procedurë, pa garë, Klodian Zotos dhe Stela Gugallias, me 25 vite vetëm për shitjen e energjisë

4- Punimet në inceneratorin e Tiranës kanë filluar në Janar 2020, kurse pagesat janë bërë qysh prej Prillit 2018.

5- Kryebashkiaku i Tiranës, Erjon Veliaj, u bën presion ndërtuesve që të gjitha dherat dhe inertet që dalin nga ndërtimet në Tiranë, të shkojnë në landfillin e Sharrës në mënyrë anti-ligjore, pa një vendim të Këshillit Bashkiak dhe nën presionin e Bashkisë Tiranë, ndaj ndërtuesve.

Vendimi antiligjor i Veliajt i mundëson inceneratorit të Tiranës të përfitojë 40 milionë euro shtesë.

6- Në mes të pandemisë 850 mijë euro shpenzime për udhëtime.

7- 450 mijë euro reklama për media

8- Edmond Bllako, babai i deputetit Alqi Bllako, ka qenë i punësuar pranë kompanisë së inceneratorit të Tiranës, me pagë 10 milionë lekë/muaj.

9- Administratori i inceneratorit të Fierit, Arenc Myrtezani, rezulton në Tatime se paguhet 900 mijë lekë. Ai e mohoi një pagë të tillë. Po kush i merr ato para?

Arben Ahmetaj, Damjan Gjiknuri, Ëngjëll Agaçi, Alqi Bllako, Erjon Veliaj duhet të ishin me Lefter Kokën.

Por natyrisht koka e vërtetë e kesaj vjedhje është Edi Rama. Asgjë nuk do të ishte e mundur pa dijeninë dhe miratimin e Edi Ramës. Edi Rama është i korruptuar. Qeveria e tij është e korruptuar. Me këta në krye, Shqipëria nuk mund të ketë zhvillim.?-shkruan Alibeaj./CNA.al