web counter
LEXO PA REKLAMA!

SHKARKO APP

App Store
Google Play

E fundit!

x

Nuk ndalen skandalet e inceneratorëve/ Koncesionari nuk ka dërguar kërkesë për ndryshimin e pronësisë

18 Shkurt 2022, 10:21, Aktualitet CNA

Komisioni Hetimor Parlamentar për inceneratorët po zhvillon sot mbledhjen e radhës, ku është duke dëshmuar Viola Haxhiademi, sekretare e Përgjithshme e ministrisë së Infrastrukturës dhe Energjisë.

Haxhiademi foli për kontratën koncesionare për prodhimin e energjisë elektrike në Fier, Tiranë dhe Elbasan.

Ajo tha se ERE nuk ka përcaktuar një çmim për energjinë elektrike.

Por, gjithashtu ajo zbuloi një tjetër skandal, ndërsa deklaroi se nuk është në dijeni të një kërkese nga koncesionari për ndryshimin e pronësisë së kompanisë.

Debatet në komision:

Helidon Bushati:  E dini që ka një nen në kontratë. Është në çdo kontratë koncesionare. Kur ndryshon pronësia e kompanisë, duhet një miratim paraprak nga autoriteti kontraktual.

Dëshmitarja: Varet nga përcaktimi i nenit në kontratë. Nuk jam në dijeni të një kërkese nga koncesionari.

Helidon Bushati: Ju e dini si përfaqësues dhe drejtuese e lartë e ministrisë që në momentin që ka një detyrim nga autoriteti kontraktual ai miratim merret para se të bëhet ndryshimi i pronësisë.

Dëshmitarja: Sot që flasim nuk kemi një çmim të përcaktuar për prodhimin e energjisë. ERE ende nuk ka një çmim të përcaktuar për energjinë elektrike

Helidon Bushati: A jeni në dijeni në pozicionin drejtues, për ndonjë vendim të marrë nga kjo ministri për impiantin e prodhimit të energjisë elektrike në Elbasan?

Dëshmitarja: Jam në dijeni që impianti është i licencuar me vendim qeverie në vitin 2016

Helidon Bushati: Në Shqipëri licencimet bëhen nga ERE

Dëshmitarja: VKM ka miratuar kontratën e lidhur. Licencimi patjetër që ndodh nga ERE. Në VKM është e shprehur që kjo VKM lidhet në funksion të kontratës.

Helidon Bushati: Unë po ju them që enti rregullator i energjisë që licencon.

Dëshmitarja: Kompetenca e ERE për pjesën e licencimit patjetër që janë të saj. Në kohën kur është miratuar ligji parashikonte që kontratat kalon për miratim me  VKM

Helidon Bushati: VKM që ju thoni është për të dhënë licencën për ndërtimin. Kjo kontratë çfarë kohëzgjatje ka?

Dëshmitarja: VKM përcakton që kjo kontratë që miratohet me VKM. Kur flasim për 25-vjeçarin e prodhimit të energjisë licencohet ndërtimi. Inceneratori i prodhimit të energjisë ka 25 vjet kohë për prodhim energjie. Në momentin e transferimit, proces që filloi dhe ndaloi për shkak të sekuestros nga SPAK transferohet të drejtat për prodhimin e energjisë. Janë të drejta të transferueshme. Ajo që është miratuar me VKM është për ndërtimin. Shoqëria që ka marrë kontratë është shoqëria që mori përsipër për të ndërtuar inceneratorin.

Helidon Bushati: Çdo objekt që duhet të prodhojë energji duhet të licencohet nga ERE. Në momentin kur është nënshkruar një kontratë me ndërtuesin, zbatuesin e punimeve ku jepet e drejta për ta zgjatur afatin, sepse me atë kontratë është dhënë vetëm për impiantin për prodhimin e energjisë dhe ju e keni lidhur me dashje me atë kompani. VKM e thotë qartë, jepet licencë nga këshilli i ministrave vetëm për ndërtimin ndërkohë që në atë vit impianti ishte në ndërtim e sipër ose ishte i ndërtuar.

Etjen Xhafaj: Duke respektuar ekspertizën e çdokujt në këtë komision. Nëse duhet të flasim për aspekt teknik hajde flasim për aspekt teknik. Ju jeni më i thelluar se unë. Nuk mund të pretendojmë nga çdo dëshmitar t?i vëmë para përgjegjësive të të gjitha kontratave.

Ina Zhupa: A ka ministria juaj një studim për shitjen e energjisë sipas kontratës? A e monitoroni këtë proces?

Dëshmitarja: Për Tiranën dhe Fierin nuk kemi prodhim energjie tani që flasim dhe nuk është hedhur asnjë sasi energjie në rrjet./CNA.al





Lajmet e fundit nga