web counter
LEXO PA REKLAMA!

SHKARKO APP

App Store
Google Play

Tritol në pronën e biznesmenit/ Gjykata e Lartë rrëzon vendimin e Apelit për Stafukën

16 Shkurt 2022, 08:34, Kronika CNA

Gjykata e Lartë ka rrëzuar vendimin e Apelit lidhur me Angli Stafukën, i cili u la i lirë kundrejt garancisë pasurore. Sipas vendimit të marrë këtë të mërkurë, Stafuka do të rithehet në burg, pasi Gjykata e Lartë, lënien e tij të lirë e ka konsideruat në shkelje të ligjit procedurial.

I riu dyshohet si autor për vendosjen e sasisë plasëse në një godinë e cila ishte në ndërtim në Shëngjin.

Ngjarja ka ndodhur në muajin nëntor të vitit 2020. Angli Stafuka dhe Erald Pajtani dyshoheshin se në bashkëpunim me njëri-tjetrin, janë autorët e vendosjes së eksplozivit në objektin në ndërtim, në pronësi të biznesmenit Liman Gjoka, në zonën e Ranës së Hedhun në Shëngjin. Fillimisht u ndalua nga Policia Erald Pajtani dhe pas hetimeve, rreth 7 muaj pas ngjarjes, u zbulua dhe arrestua edhe bashkëpunëtori tjetër, 21- vjeçari Angli Stafuka.

Dy të rinjtë i kanë mohuar në vazhdimësi akuzat e ngritura ndaj tyre, duke deklaruar se nuk kanë lidhje me ngjarjen, por duke i referuar dosjes hetimore, prokuroria përmes pamjeve filmime dhe qelizave telefonike, ka arritur të zbulojë implikimin e dy të rinjve në vendosjen e lëndës plasëse në objektin në ndërtim në zonën e Ranës së Hedhun në Shëngjin.

Objekti në ndërtim i biznesmenit Liman Gjoka u sulmua dy herë me lëndë plasëse, konkretisht në muajt nëntor dhe dhjetor të vitit 2020, ndërsa shpërthimi i dytë ende nuk është arritur të zbardhet./CNA.al





Lajmet e fundit nga