web counter
LEXO PA REKLAMA!

SHKARKO APP

App Store
Google Play

Shtëpia e barit në Tiranë/ Kush është “tregtari”, nipi i Emiljano Shullazit

15 Shkurt 2022, 10:03, Kronika CNA

Mëngjesin e sotëm u arrestua 23-vjeçari Leonardo Zela, i cili akuzohet si bashkëpunues në shitjen e lëndës narkotike që kultivohej në një shtëpi bari tek zona e ish-Parkut, në Tiranë. Raportohet se 23-vjeçari i arrestuar është nipi i Emiljano Shullazit (djali i motrës së tij).

Blutë gjatë kontrollit të banesës së tij, sekuestruan sasi lënde narkotike të llojit cannabis sativa, e ndarë në doza gati për shitje, 4 kavanozë qelqi me lëndë narkotike, një peshore elektronike, një përforcues grushti, sasi farash narkotike dhe shumat 11150 euro dhe 11.000 paund.

Kujtojmë që bashkë me të u prangos edhe 38-vjeçari Alban Karapici i cili kujdesej për kultivimin e kanabisit në vazo lulesh.

Kush është Emijano Shullazi

Emiljano Shullazi është një personazh i njohur për policinë kriminale në vend, por veçanërisht në kryeqytet dhe në Durrës. Për gjatë viteve, Shullazi është akuzuar për krime të ndryshme të rënda që nga vrasjet, shpërthimet me eksploziv, apo trafik dhe shitje e shpërndarje droge, si dhe akuza të tjera në kuadër të grupit të strukturuar kriminal. Në vitin 2018 Krimet e Rënda dënuan me 55 vite burg Emiljano Shullazin dhe anëtarët e tjerë të grupit për krijim të grupit të strukturat kriminal, gjobëvënie dhe kanosje për shkak të detyrës.

Ndaj Shullazit po hetohet edhe për akuzën e ?Vrasjes në rrethana cilësuese? në dëm të Vajdim Lamajt dhe Artan Arsit, ngjarje kjo e ndodhur në muajin shkurt 2005 në Tiranë./CNA.al





Lajmet e fundit nga