web counter
LEXO PA REKLAMA!

SHKARKO APP

App Store
Google Play

E fundit!

x

“Vettingu zbret” nesër në Kuvend/ A do t'i votojë opozita ndryshimet kushtetuese?

9 Shkurt 2022, 13:39, Aktualitet CNA

Në seancën e nesërme parlamentare  pritet të vendoset për ndryshimin e Kushtetutësm, për të zgjatur afatin e Vettingun të gjyqtarëve dhe prokurorëve.

?Projektligj “Per disa ndryshime ne ligjin nr. 8417, date 21.10.1998 “Kushtetuta e Republikes se Shqiperise” te ndryshuar”, (Propozuar nga nje grup deputetesh te shumices parlamentare)?, thuhet në pikën 5 të rendit të ditës publikuar nga Kuvendi.

Ky projektligj është nismë e propozuar nga deputetët e Partisë Socialiste në përputhje me parashikimin e pikës 1 të nenit 177 të Kushtetutës së Republikës së Shqipërisë dhe ka si qëllim përmbylljen me sukses të procesit të rivlerësimit kalimtar të gjyqtarëve dhe prokurorëve, në kuadër të zbatimit të Reformës në Drejtësi 6.

Vettingu në sytë e socialistëve

Nisma është ndërmarrë në funksion të përmbushjes së një prej qëllimeve të Reformës në Drejtësi për të krijuar një trupë gjyqtarësh dhe prokurorësh me integritet të lartë etiko-moral dhe profesional, për të garantuar pavarësinë e sistemit të drejtësisë, si dhe rikthimin e besimit të publikut tek institucionet e këtij sistemi.

Procesi i rivlerësimit të gjyqtarëve dhe prokurorëve ose ndryshe i njohur gjerësisht në publik si procesi i vettingut është një nga shtyllat e Reformës në Drejtësi që parashikohet në dispozitat kushtetuese dhe ligjore, i cili përbën një masë të jashtëzakonshme dhe tranzitore, por të nevojshme për të garantuar një sistem drejtësie të pavarur dhe eficent.

Duke iu referuar rekomandimeve të Komisionit të Venecias, në kuadër të reformës në drejtësi, procesi i vettingut u parashikua në Kushtetutë si një sistem i kualifikuar, i pavarur e i paanshëm, ad hoc, me funksion rivlerësimin e njohurive profesionale, të integritetit moral, etik dhe psikologjik të gjyqtarëve dhe prokurorëve, të kombinuar me një verifikim të posaçëm të pasurisë së tyre, për të cilën barra e provës i takon subjektit të rivlerësimit.

KPK dhe KP janë organe të cilat kanë mandat 5 vjeçar nga data e fillimit të funksionit i cili përfundon më datë 17 Qershor 2022, ndërsa KPA i është dhënë një mandat 9 vjeçar, i cili përfundon më 17 Qershor 2026.

Dispozitat kushtetuese (neni 179/b) parashikojnë zgjidhje edhe në rastet kur KPK, KP dhe KPA nuk do mund të përmbyllin çështjet e rivlerësimit për shkak të përfundimit të mandatit të tyre. Konkretisht, çështjet e pashqyrtuara pranë KPK do të shqyrtohen nga Këshilli i Lartë Gjyqësor (KLGJ) për gjyqtarët dhe pranë Këshillit të Lartë të Prokurorisë (KLP) për prokurorët, (KLGJ dhe KLP në vijim referuar së bashku si ?Këshillat?).

Pas përfundimit të mandatit të KP, kompetencat e tij do të ushtrohen nga Drejtuesi i Prokurorisë së Posaçme (SPAK), ndërsa ankimet ndaj vendimeve të KPK, të cilat nuk janë papërfunduar do të shqyrtohen nga Gjykata Kushtetuese.

Në përfundim të mandatit të KPK dhe KP (17 qershor 2022) rezulton se do mbeten pa shqyrtuar rreth 1/3 e çështjeve ose rreth 300 çështje, të cilat do të kalojnë për shqyrtim pranë Këshillave.

 

Neni 1 parashikon një ndryshim në përmbajtjen e fjalisë së parë të pikës 8 të nenit 179/b të Kushtetutës, ku parashikohet mandati i KPK-së dhe KP-së. Mandati për KPK-në dhe KP-në sipas dispozitës kushtetuese rezulton që përfundon më 17 qershor 2022, me ndryshimin e propozuar nëpërmjet nismës ligjore zgjatet deri në datën 31.12.2024.

Neni 1 ka këtë përmbajtje: ?Në nenin 179/b, pika 8, fjalia e parë, togfjalëshi ?është 5 vjet nga data e fillimit të funksionimit të tyre? zëvendësohet me togfjalëshin ?përfundon në datën 31.12.2024?.

Neni 2 parashikon hyrjen në fuqi të ligjit 15 ditë pas botimit në Fletoren Zyrtare. Në relacionin që shoqëron nismën, deputetët kanë paraqitur argumentat përkatëse, mbi të cilat mbështesin propozimin e tyre për zgjatjen e afatit të veprimtarisë së KPK dhe KP.

Kushtetuta e miratuar në unanimitet, me 140 vota deputetëve në korrikun e vitin 2016 sanksionon se mandati i organeve të Vetting-ut, Komisionit të Pavarur të Kualifikimit dhe Komisionerit Publik, përfundon në qershor të vitit 2022.

Për ndryshimin kushtetutes nevojiten të paktën 94 vota deputetësh, të cilat mazhoranca socialiste nuk i ka.

Për ta miratuar atë bëhen të nevojshme edhe votat e opozitës.

Deri më tani PD nuk ka shprehur një vendim zyrtar nëse do ta votojë ose jo ndryshimin kushtetues./E.S-CNA.al





Lajmet e fundit nga