E fundit!

09:21 Kronika

Vrasja e policit në Maliq/ Policia: I kërkuari fshihej në stan, hapi zjarr ndaj efektivëve

Policia e Korçës ka ndarë një informacion të detajuar lidh...

Primaret/ Leskaj: U rikthye gara e lirë brenda partisë, PD gati për një model të ri politik

30 Janar 2022, 21:33, Politikë CNA

Deputeti i PD-së Bujar Leskaj, ka komentuar primaret e zhvilluara sot në PD, në 6 bashki të vendit.

Leskaj thekson se PD sot dhe Shqipëria nesër janë gati për një model të ri politik.

?Sot në Partinë Demokratike, qoftë edhe pjesërisht, janë votuar kandidatët për kryetarë bashkie, sipas modelit të primareve. Procesi i qetë, demokratik dhe i qytetëruar i këtyre zgjedhjeve dëshmoi se PD sot dhe Shqipëria nesër janë të gatshme që ta përqafojnë një model të tillë dhe një kulturë të tillë politike, e cila nisi në vitet 1991, 1992, por humbi rrugës.

Koncepti i primareve aplikohet gjerësisht në demokracitë perëndimore, pasi primaret dëshmojnë për forcën e jashtëzakonshme reformuese e ndryshuese konkurenca e fortë dhe e hapur në partitë politike.

Sot, në 2022 Partia Demokratike bën një hap të madh, hapin e vlerave duke iu rikthyer realisht premtimit të garës së lirë brenda partisë, garës demokratike dhe vetë vlerave e potencialeve që partia u ofron anëtarëve të saj, qytetarëve e shoqërisë: të sistemit konkurrues të demokracisë funksionale e të drejtpërdrejtë ku vota e çdo demokrati sot dhe e çdo shqiptari nesër ka vlerë.

Të gjithë jemi të vetëdijshëm se sot Partia Demokratike duhet të votonte e bashkuar kandidatët e saj, në mënyrë që të zgjidhte kandidatin më të mirë.

Kundërshtari ynë i vetëm është një dhe vetëm një: Edi Rama dhe sekti i tij!

Me natyrën e tyre klienteliste partitë dhe politika në Shqipëri e kanë keqpërdorur pushtetin, duke shkatërruar atë ëndërr të shqiptarëve, e cila në vitin 1991 ishte për një sistem të hapur, demokratik, konkurues e funksional.

Të mos zgjidhesh nga populli do të thotë të mos ia dish për popullin.

Primaret garantojnë një demokraci ku anëtarët e partisë zgjedhin përfaqësuesin e tyre; një vend ku populli zgjedh vetë përfaqësuesit e tij duke i dhënë realisht vlerë votës dhe demokracisë.

Zhvillimi i primareve sot nga Partia Demokratike për zgjedhjet e pjesshme bashkiake është një zhvillim shumë pozitiv, i cili, natyrisht duhet të shoqërohet me disa hapa, të cilat duhet të garantojnë jo vetëm suksesin, por edhe vazhdimësinë:

– Zhvillimi i primareve me debat konstruktiv

– Votojnë veç anëtarësisë edhe ajo pjesë e anëtarësisë, e cila nuk kryen jetë partiake, pjesa qytetare e shoqërisë sonë, e angazhuar apo jo në politikë, por e angazhuar në jetën qytetare nëpërmjet organizatave joqeveritare, shoqërisë civile, etj.

– Zhvillimi i primareve duhet të përfshijë jo vetëm kryetarët e partive, por edhe deputetët, kandidatët për kryetarë bashkie; anëtarët e këshillave bashkiakë, etj.

– Natyrisht që hap i rëndësishëm i primareve duhet të jetë produkti përfundimtar në parti: BASHKIMI. Në fund duhet të jenë të gjithë bashkë?./E.T-CNA.al