E fundit!

09:27 Kronika

E rëndë në Korçë, 66-vjeçari i jep fund jetës

Rreth orës 08:40, në lagjen nr. 10, Korçë, një automjet ti...

Censurimi i mediave/ Meta jep alarmin, mesazhi i fortë

28 Janar 2022, 09:32, Politikë CNA

Presidenti Ilir Meta, sot në një deklaratë për mediat ka shprehur shqetësimin për censurën në media.

Meta i bëri thirrje qytetarëve ta ndjekin në rrjetet sociale, pasi sipas tij në media censurohet.

Më tej, ai theksoi se do të bëjë çdo gjë dhe me çdo mënyrë për të thyer censurën në media.

?Shpreh shqetësimin e mos reflektimit në media të qëndrimit të presidentit, lidhur me shqetësimin serioz të komunitetit të gazetarëve të pavarur, vendas dhe ndërkombëtarë, si dhe dënoj me ashpërsi sulmet kibernetike dhe presionet e gjithëanshme ndaj disa mediave online kritike me Qeverinë dhe Bashkinë e Tiranës.

Prandaj jam i detyruar ta lexoj këtë qëndrim këtu, dhe jam i detyruar tiu bëj thirrje qytetarëve të më ndjekin në rrjetet sociale, se nuk është tani fakt i panjohur që censura po mbijeton kudo dhe kjo është në interesit të qytetarëve.

Ne do ta thyejmë censurën me të gjitha mjetet dhe mënyrat?-tha Meta.

Më tej, ai i drejtoi edhe një mesazh drejtësisë, ndërsa theksoi se ?Censura meriton nga drejtësia një përgjigje të qartë dhe të menjëhershme. Pa garantimin e lirisë së medias nuk ka demokraci.?.

Po ashtu Meta lexoi edhe qëndrimin e tij, të mbajtur në rrjetet sociale, për lirinë e medias në Shqipëri.

?Solidarizohem me shqetësimin serioz të komunitetit të gazetarëve të pavarur, vendas dhe ndërkombëtarë, si dhe dënoj me ashpërsi sulmet kibernetike dhe presionet e gjithëanshme ndaj disa mediave online kritike me Qeverinë dhe Bashkinë e Tiranës.

Ky model i neveritshëm i dhunimit të lirisë së shprehjes dhe pavarësisë së medias, që synon vendosjen e tyre nën kontroll nëpërmjet presionit, dhunës e shantazhit, në shkelje flagrante të Kushtetutës, ligjeve dhe Konventave ku aderon vendi ynë, meriton nga drejtësia një përgjigje të qartë dhe të menjëhershme ligjore.

Duke sjellë në vëmendje regresin vit pas viti të Shqipërisë në raport me lirinë e medias, pa garantimin e së cilës nuk ka demokraci dhe nuk mund të ketë çelje të negociatave për anëtarësim në Bashkimin Europian, i ftoj organizatat më prestigjoze botërore e europiane të gazetarëve të mbështesin kolegët e pavarur dhe kurajozë shqiptarë, të cilët si gjithmonë do të më kenë në krah në përpjekjet e përbashkëta për demokratizimin dhe europianizimin e plotë të vendit.

Dhunimi në rritje i lirisë së mediave ka ndihmuar në rritjen dramatike të korrupsionit dhe kapjes së shtetit.
Të gjithë të bashkohemi për lirinë e medias dhe të refuzojmë orkestruesit e dhunës dhe censurës!?-tha Meta./CNA.al