LEXO PA REKLAMA!

SHKARKO APP

VIDEO/ Viti 2022 nis "shterpë", Skënderbeu dhe Laçi ndajnë pikët në Korçë

15 Janar 2022, 17:45, Sport CNA
VIDEO/ Viti 2022 nis "shterpë", Skënderbeu dhe Laçi

Ndeshja e parë e Kategorisë Superiore për vitin 2022, ajo mes Skënderbeut dhe Laçit, është mbyllur në një barazim pa emocione e pa gola, duke mos ndryshuar shumë gjëra në renditje për ekipet.

Të dy skuadrat ishin më shumë të kujdesshme për të mos pësuar në këtë ndeshje të parë të vitit dhe kjo bëri që loja të ishte e luftuar në mesfushë, me shumë gabime sa i përket ndërtimit të aksioneve, duke prodhuar pak raste për t?u shënuar gjatë 90 minutave.

Në fund, barazimi ishte rezultati më i drejtë i kësaj sfide për atë që shfaqen dy ekipet në fushë, teksa vazhdojnë të luftojnë për objektiva krejtësisht të ndryshëm nga njëri-tjetri në këtë sezon.

Skënderbeu 0-0 Laçi

Kategoria Superiore / Java e 16-të

Stadiumi: Korçë

Arbitër: Florjan Lata

Formacionet zyrtare:

Skënderbeu: Rexhepi, Zguro, Meksi, Dowmfur, Sadriu, Bajrami, Moraes, Jan Victor, Mara, Pusi, Mensah Trajner: Migen Memelli

Laçi: Dajsinani, Turkaj, Veliaj, Velkovski, Ziko, Deliu, Lushkja, Qato, Mazrekaj, Zarubica, Guindo Trajner: Mirel Josa

Minutë pas minute:

85? Rast i pabesueshëm që shpërdorohet nga korçarët. Mensah dhe Nikaj, vetëm pak hapa larg portës nuk arrijnë të kalojnë Dajsinanin.

83? Qato del nga fusha e lojës i dëmtuar, duke i bërë vend Ujkës në radhët e Laçit.

76? Goditje dënimi e Laçit, topi harkohet nga Mazrekaj në krahun e djathtë duke gjetur Velkovskin në zonë, por gjuajtja e tij me kokë përfundon jashtë katërkëndorit.

73? Memelli vendos të largojë Marën nga fusha e lojës, duke aktivizuar Nikajn në vend të tij në minutat e fundit.

43? Ardit Deliu jep goditjen e parë të rrezikshme në portën e Skënderbeut, me një tentativë ballore në hyrje të zonës, por sfera përfundon direkt në duart e Rexhepit.

38? Tani ndeshja ndërpritet vazhdimisht për faulle të shumta në mesfushë, duke bërë që ritmi i lojës të bjerë ndjeshëm dhe të ketë pak momente për t?u kujtuar nga sfida.

32? Goditje këndi për Skënderbeun që harkohet nga e djathta e sulmit në zone ku Mensah gjuan me kokë, por nuk gjen katërkëndorin duke fluturuar sferën mbi traversë.

10? Skënderbeu tund rrjetën me anë të Mensah, por sulmuesi sinjalizohet në pozicion jashtë loje në momentin që mori pasimin. Ka dy minuta kontroll nga VAR dhe në fund konfirmohet vendimi i vijërojtësit.

7? Zarubica mundohet të gjuajë në portë, por tentativa e tij devijohet dhe sfera përfundon jashtë.

2- Ka tension në fushë, pas një debati Lushkja-Zguro.

1- Nis ndeshja.

*Ndeshja nis me një minutë heshtje në nderim të Ramazan Rragamit.

Lajmet e fundit nga