web counter
LEXO PA REKLAMA!

SHKARKO APP

App Store
Google Play

E fundit!

x

SPAK ka në dorë faktet/ Kur do hetohen Habilaj & Co?

10 Janar 2022, 12:51, Politikë CNA

Mediat janë blerë, janë shitur, janë korruptuar. Janë sjellë si palë me një kompani që zyrtarisht përfaqëson korrupsionin e koncesionit të inceneratorëve.

Pronarët e kompanisë janë në kërkim, ndërsa ditë pas dite CNA.al ka publikuar një pjesë të faturave, të pagesave që Klodian Zoto dhe Mirel Mërtiri kanë bërë ndaj mediave në Shqipëri.

Së pari doli Irfan Hysenbelliu, me News 24-en e tij. Më pas Carlo Bollino, më tej Baton Haxhiu, por edhe gazetarët e Top Channel.

Autori i Top Story, Endrit Habilaj, i cili sumonte kompanitë e pastrimit dhe ndërtonte emisione në funksion të parave që duhet të shkonin tek kompanitë e inceneratorëve.

Në tre kompani, dy prej të cilave rezultojnë me adresë në Top Channel. Faktet tregojnë çfarë ka bërë Habilaj dhe si ka ngritur kompani me emra të ngjashëm me mediat e Top Channel, siç është Gazeta Shqip apo Top News, duke i tjetërsuar në një “Infinit Communitacion” më pas, apo Vox Tv. (Lexo këtu)

Janë paguar edhe në 2020, janë paguar dhe më parë. Janë paguar edhe pasi CNA.al ka publikuar këto dokumenta.

Pra, në muajt në vijim.

SPAK ka në dorë tashmë dosjen e inceneratorëve. Jo gjithçka mund të ngelet tek ish-ministri Lefter Koka dhe tek xhepat që u gjetën lekët e tij.

Janë mediat që janë blerë.

Për çfarë duhet të reklamojë një landfill? Një kompani që bën përpunim mbetjesh? Cilat janë arsyet?

Është monopol në treg, nuk ka nevojë për reklamë.

A mund të kishte disa publikime në lidhje me situatën sepse po denonconte Opozita? Apo një muaj reklamë? Patjetër.

Por, pagesat e përmuajshme, me dhjetëra mijëra euro. Qindra mijëra euro në vit, dhënë për mediat kryesore në vend, për gazetarët kryesorë në vend, tregojnë se monopoli i landfillit, siç është koncesioni i trajtimit të mbetjeve në kryeqytet, ku duhej të ndërtohej incenerator, por incenerator nuk ka, ka paguar mediat thjeshtë dhe vetëm për t’i pasur si klientelë në shërbim.

Që ata të mos flisnin për këtë skandal, që të paktën fillon me 128 milionë euro kontratë koncesionare. Pa shkuar më tej tek dhjetëra milionë euro, apo qindra të tjera që do të vinin si përfitime nga përpunimi i këtyre mbetjeve.

SPAK ka në dorë sot jo vetëm dosjet e ish-ministrit Koka apo ka shpallur në kërkim drejtuesit e kompanisë, apo kompanive që kanë ndërtuar inceneratorin e Elbasanit, pasi në Tiranë ende nuk kanë ardhur.

Por, kanë në dorë çdo dokument që tregon sesi me skema të caktuara janë ndërtuar kompani, për t’u marrë para, nga njerëzit e medias.

E në rast se Lefter Koka kishte kompani për të mbushur xhepat dhe këtë e kapi SPAK-u, tashmë janë edhe gazetarët të kapur.

Në rastin e Habilajt janë tre kompani që marrin para sistematikisht nga inceneratorët.

Irfan Hysenbelliu merr nëpërmjet News 24, apo kompanive brenda saj, shuma marramendëse, qindra mijëra euro në vit. Dhe jo vetëm atje.

Pagesa merr edhe Baton Haxhiu.

Pagesa merr edhe Carlo Bollino.

CNA.al do të sjellë ditë pas dite çdo dokument që disponon. Me fakte të pakontestueshme, për t’iu thënë të vërtetën qytetarëve, të cilët duhet të mësojnë se kush është klientela e inceneratorëve. Klientela e taksave të shqiptarëve, të firmosura me kontrata koncesionare me 178 milionë euro. Por që në vlera reale të tregut mund të shkojnë edhe në 430 milionë euro.

E këto janë para të taksave të shqiptarëve. Janë para të bizneseve të shqiptarëve, të cilat kompanitë e inceneratorëve i marrin nga shteti dhe pastaj nëpërmjet disa miliona eurove buxhet, i shpërndajnë nëpër media, që këto të fundit të heshtin, që të bëjnë propagandën e tyre. Të mos jenë në krah të qytetarëve, të mos jenë në krah të taksave të tyre, tëmos denoncohet skandali dhe korrupsioni i dosjes së inceneratorëve, por duke dhënë reclama tek Irfani & Co, tek mediat klientelë e pushtetit, atëherë gjithçka do të shitet e bukur. Si propaganda në diktaturë. “Sa të lumtur jetonin në mjerim”.

Kështu është dhe propaganda e sotme e inceneratorëve që paguan me miliona euro propagandën për të thënë se korrupsioni, skandali i inceneratorëve është një gjë e mirë për shqiptarët, të cilët edhe pse të varfër duhet të paguajnë nga xhepat e tyre qindra milionë euro për kompani koncesionare inceneratorësh dhe më pas këto para t’i ndajnë me klientelën mediatike dhe propagandën./CNA.al

Qindra milionë lekë nga inceneratorët/Dy kompanitë e Endrit Habilajt në godinën Top Channel

DOKUMENTI-Inceneratorët “blenë” edhe Irfan Hysenbelliun/ Qindra milionë lekë për kompanitë e tij

Mercenarët e inceneratorëve

Dokumentet ekskluzive/ Kompanitë e inceneratorëve, qindra milionë lekë për Carlo Bollinon

Inceneratorët blenë mediat/ Miliona euro për televizione, portale dhe gazetarë

Miliona për “mercenarët mediatikë”/ Zbardhen pagesat e inceneratorëve për Baton Haxhiun





Lajmet e fundit nga