web counter
LEXO PA REKLAMA!

SHKARKO APP

App Store
Google Play

Në kërkim për vrasjen e kryepolicit të Shkodrës/ Arrestohet në Gjermani Genc Tafili

4 Janar 2022, 11:31, Kronika CNA

Genc Tafili, i cili ishte shpallur në kërkim për vrasjen e kryepolicit të Shkodrës, Arben Zylyftari, është vënë në pranga.

Mësohet se Tafili është arrestuar në Gjermani.

Kujtojmë këtu se vrasja e kryepolicit Zylyftari ka ndodhur në gusht të vitit 2000, ndërsa mësohet se Tafili është arrestuar këtë të martë në Gjermani.

Më 8 tetor të 2021 SPAK rihapi hetimet për vrasjen e Zylyftarit, me kërkesë të Admir dhe Genc Tafilit, të cilët kanë pretendime se ngjarja është e pazbardhur dhe e manipuluar.

Kryepolicit i Shkodrës, Arben Zylyftari u vra në vitin  2000 në krye të detyrës me një breshëri plumbash automatiku gjatë drejtimit të një operacioni kundër dy personave të shpallur në kërkim.

Operacioni po zhvillohej gjatë një kontrolli për armë në liqenin e Shkodrës, kur policia ra në gjurmë të një personi shumë të kërkuar, por u has me breshëri plumbash prej tyre. Perosnat që kanë shtënë ishin Bahri Tafili dhe djali i tij Admir Tafili, ku gjatë të shtënave u vra jo vetëm kryepolici i Shkodrës Zylyftari por edhe Behar Tafili.

Për ngjarjen policia arrestoi Admir Tafilin i dënuar me burg përjetë dhe Genc Tafilin./CNA.al





Lajmet e fundit nga