LEXO PA REKLAMA!

SHKARKO APP

Akuzat për blindimin e PD/ Bardhi i përgjigjet Berishës

4 Janar 2022, 17:38, Politikë CNA
Akuzat për blindimin e PD/ Bardhi i përgjigjet Berishës

Sekretarit i përgjithshëm i shkarkuar i PD, Gazment Bardhi i është përgjigjur akuzave të ish kryeministrit Sali Berishës dhe Grupit të Rithemelimit. Në një postim në rrjetet sociale, Bardhi mohon akuzat për blindimin e godinës së PD-së.

Sipas numrit dy të demokratëve, protesta kombëtare kundër lyerjes së godinës së PD, në oborrin e PD, mund të thërrasë vetëm dikush që e ka humbur arsyen nga një hall i madh.

?Ka vetëm një rrezik për bunkerizimin e PD. Ai nuk vjen as nga adezivët me logon e PD, as nga risistemimi i disa ambjenteve të punës për sekretariatin e PD. Rreziku për bunkerizimin e PD vjen nga kushdo që shpalljen nongrata të Sali Berishës nga SHBA kërkon ta transferojë tek çdo demokrat.

Histeria me brava dhe blinda është një histori e dështuar dhe qesharake. Quhet mjerim kolektiv! Njësoj si qëllimi i të ashtuquajturës protestë kombëtare, ku demokratët ftohen të protestojnë kundër Partisë Demokratike!

Protesta kombëtare kundër lyerjes së godinës së PD, në oborrin e PD, mund të thërrasë vetëm dikush që e ka humbur arsyejen nga një hall i madh. Kjo nuk u shërben demokratëve, por i shërben vetëm Edi Ramës, dhe është vijim i talljes disa mujore me demokratët dhe sakrificën e tyre?, tha Bardhi./E.K-CNA.al

Lajmet e fundit nga