web counter
LEXO PA REKLAMA!

SHKARKO APP

App Store
Google Play

E fundit!

x

EKSKLUZIVE/ Kontratë 2.5 vite dhe më pas zv.trajner, zbulohet e ardhmja e Sabjen Lilajt

26 Dhjetor 2021, 13:06, Sport CNA

Nuk ka më dyshime, Sabien Lilaj do të jetë futbollisti i Dinamos duke nisur nga muaji janar.

?CNA” mëson se mesfushori korçar do të zbarkojë në kryeqytet, për të dhënë kontributin e tij për skuadrën e Bledi Shkëmbit pas eksperiencës në Kosovë ku ishte pjesë e Prishtinës. Lilaj do të firmosë për 2 vite e gjysëm me Dinamon, teksa duket se do t’i japë fund karrierës së tij futbollistike te kryeqytetasit.

“CNA” gjithashtu mëson, se drejtuesit dinamovitë, i kanë premtuar edhe postin e zv.trajnerit Lilajt, pas përfundimit të kontratës.

32-vjeçari zyrtarizoi divorcin me skuadrën e Prishtinës, pak ditë më parë dhe duket se drejtuesit e Dinamos e kanë bindur për t?u transferuar tek ekipi i kryeqytetas, ku do të tentojë të shtojë fantazinë në mesin e fushës.

Lilaj është një futbollist me shumë eksperiencë, teska numëron 13 trofe, duke numëruar 6 tituj kampion, 2 Kupa dhe dy Superkupa në Shqipëri, një titull dhe një superkupë në Kosovë dhe një Kupë në Azerbajxhan.

Në të shkuarën korçari ka qenë pjesë e Skënderbeut e Tiranës, në Kroaci me Lokomotivën e Zagrebit, në Kosovë me Prishtinën, në Azerbajxhan me Gabalën si dhe në Izrael me Hapoel Ramat Gan dhe Sektzia Nes Tziona, ndërsa me fanellën e kombëtares mesfushori numëron 17 prezenca.

 





Lajmet e fundit nga