Shpërndanin lëndë narkotike/ E pësojnë keq dy të rinjtë, procedohen penalisht 3 të tjerë

21 Dhjetor 2021, 15:46, Kronika CNA

Policia e Tiranës ka arrestuar dy persona dhe ka proceduar penalisht 3 të tjera pasi shpërndanin lëndë narkotike cannabis sativa.

Shtetasi M. Sh., 28 vjeç, banues në rrugën “Mihal Grameno”, u kap në afërsi të banesës së shtetasit I. K., duke i dhënë doza me lëndë të dyshuar narkotike cannabis sativa, shtetasit A. B., 28 vjeç.

Në vijim të veprimeve u bë arrestimi në flagrancë i shtetasit I. K., 28 vjeç, banues në rrugën “Sali Nivica”, pasi gjatë kontrollit të banesës së tij u gjetën dhe u sekuestruan në cilësinë e provës materiale doza me lëndë të dyshuar narkotike cannabis sativa.

Ndërsa janë proceduar penalisht A. B., 28 vjeç E. Z., 19 vjeç dhe K. B., 21 vjeç për veprën penale mos kallëzim të krimit.

?Goditet një tjetër rast i shpërndarjes së lëndëve narkotike në doza.

Vihen në pranga 2 shtetas, procedohen penalisht 3 të tjerë.

Sekuestrohet lëndë e dyshuar narkotike cannabis sativa, e ndarë në doza gati për shitje.

Në vijim te goditjeve të njëpasnjëshme ndaj veprimtarisë kriminale në fushën e shpërndarjes së lëndëve narkotike, pas një pune hetimore, bazuar në të dhënat e grumbulluara në rrugë operative nga ana e Seksionit për Hetimin e Narkotikëve në Drejtorinë Vendore të Policisë Tiranë, se dy shtetas posedonin dhe shpërndanin lëndë narkotike cannabis sativa në rrugën “Sali Nivica”, shërbimet e Policisë kanë organizuar punën për kapjen e tyre.

Në rrugën “Sali Nivica”, shërbimet e Policisë kanë arrestuar në flagrancë shtetasin M. Sh., 28 vjeç, banues në rrugën “Mihal Grameno”, pasi u kap në afërsi të banesës së shtetasit I. K., duke i dhënë doza me lëndë të dyshuar narkotike cannabis sativa, shtetasit A. B., 28 vjeç.

Gjithashtu u proceduan penalisht shtetasit:

A.B., 28 vjeç, për veprën penale “Prodhimi dhe shitja e narkotikëve”;

E.Z., 19 vjeç dhe K. B., 21 vjeç, për veprën penale “Moskallëzimi i krimit”, pasi gjatë kontrollit u konstatuan në banesën e shtetasit I. K.

Materialet i kaluan Prokurorisë së Rrethit Gjyqësor Tiranë, për veprime të mëtejshme, për veprat penale “Prodhimi dhe shitja e lëndëve narkotike” dhe “Moskallëzimi i krimit“, njofton policia./ A.E- CNA.al