web counter
LEXO PA REKLAMA!

SHKARKO APP

App Store
Google Play

E fundit!

x

Sekuestrohen mallra kontrabandë me vlerën 8 mijë euro

21 Dhjetor 2021, 15:20, Kronika CNA

Specialistët e Seksionit të Hetimit të Krimit Ekonomiko-Financiar në DVP Gjirokastër kana arrestuar në flagrancë shetatsit Gj.V dhe E.Gj, drejtues autobusësh.

Dy drejtuesit e autobusëve u arrestuan pasi po transportonin mallra kontrabandë me vlerën 8 mijë euro.

Gjithashtu janë proceduar penalisht dhe dy doganierë në Kakavijë, pasi kanë lejuar kalimin e këtyre mallrave të paligjshëm.

“Goditet një tjetër rast i kontrabandës me mallra për të cilat paguhet akcizë. Arrestohen në flagrancë dy drejtuesit e autobusit që transportonte mallrat.

Procedohen penalisht dy doganierë të Degës Doganore Kakavije, për shpërdorim detyre. Sekuestrohen sasi të konsiderueshme mallrash (veshje, konfeksione, produkte kozmetike dhe steka me cigare).

Në vijim të punës për parandalimin, evidentimin dhe goditjen e kontrabandës, në bazë të informacioneve të siguruara në rrugë policore, specialistët e Seksionit të Hetimit të Krimit Ekonomiko-Financiar në DVP Gjirokastër arrestuan në flagrancë shtetasit Gj. V., 31 vjeç, banues në Tiranë dhe E. Xh., 50 vjeç, banues në Berat (drejtues të autobusit).

Arrestimi i shtetasve të mësipërm u bë pasi nga kontrolli i ushtruar në mjetin autobus që këta shtetas drejtonin, në vendin e quajtur “Ura e Lumit”, Gjirokastër, u gjetën mallra (veshje, produkte kozmetike dhe 40 steka me cigare), të cilat këta shtetas i kanë futur në Republikën e Shqipërisë, pa i deklaruar në Degën Doganore Kakavije.

Në përfundim të veprimeve hetimore u proceduan penalisht për veprën penale “Shpërdorim detyre”, shtetasit Y. R., 50 vjeç dhe E. H., 47 vjeç banues në Gjirokastër, me detyrë doganierë në Degën Doganore Kakavije.

Në cilësinë e provës materiale u sekuestruan mallrat. Vlera totale e mallrave shkon rreth 8000 euro.

Materialet në ngarkim të shtetasve të mësipërm i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme”, njofton policia./ A.E-CNA.al





Lajmet e fundit nga