E fundit!

08:41 Aktualitet

Zvarrit pafundësisht proceset gjyqësore/ Sot, seanca e radhës e Veliajt në GJKKO

Sot do të mbahet seanca e radhës në Gjykatën e Posaçme kun...

Gent Ibrahimi dhe Sandër Beci pa mandat në KLP/ Si po mbahen peng zëvendësuesit e tyre

20 Dhjetor 2021, 09:39, Politikë CNA

Që me datë 19 Dhjetor 2021, ka mbaruar mandati i Gent Ibrahimit në krye të Këshilllit të Lartë të Prokurorisë dhe anëtarit Sandër Beci.

Mandati tyre tre- vjeçar, tashmë ka skaduar.

Kujtojmë se më herët Këshilli i Lartë i Prokurorisë vendosi që anëtarët e Këshillit të Lartë të Prokurorisë, Gent Ibrahimi, anëtar joprokuror (zgjedhur nga trupa e pedagogëve), Sandër Beci, anëtar joprokuror (zgjedhur nga trupa e pedagogëve), kanë mandat 3 (tre) vjeçar të siguruar nga shorti i hedhur në mbledhjen e parë të Këshillit, më datën 19 dhjetor 2018, ditë në të cilën kanë filluar të ushtrojnë detyrën si anëtarë të Këshillit të Lartë të Prokurorisë.

Sipas këtij vendimi, mandati i tyre përfundon më datën 19 dhjetor 2021.

Por, edhe pse mandati i tyre ka mbaruar dhe zëvendësimi duhej të ishte bërë sot, një gjë e tillë nuk ka ndodhur.

Vendimi i Kuvendit bazohet në nenet 37 dhe 135 të ligjit për organet e qeverisjes së sistemit të drejtësisë, ku parashikohet që jo më vonë se 4 muaj para datës së mbarimit të mandatit të anëtarëve pedagogë të KLP dhe KLGJ në detyrë, Sekretari i Përgjithshëm i Kuvendit shpall vendet vakante në faqen zyrtare të Kuvendit dhe në çdo mënyrë tjetër të përshtatshme.

Kjo procedurë ka mbaruar, kandidatët ekzistojnë dhe Kuvendi duhej të çonte sot, 2 kandidatët e rinj nga radhët e pedagogëve për në KLP.

Por, emrat zëvendësues po mbahen peng jashtë çdo lloj afati.

Kandidaturat e përzgjedhura në përfundim të procesit të votimit nga mbledhja e posaçme të drejtuesve të institucioneve të Arsimit të Lartë dhe të Shkollës së Magjistraturës për anëtarë të Këshillit të lartë të Prokurorisë, janë: Mirela Bogdani me pesë vota, Alban Koçi me 1 votë, Ilir Rusi, zero vota, Yllka Rupa me dy vota, Idlir Dihanxhi, zero vota, Endri Papajorgji, me 6 vota, Sajmir Vishaj me 12 vota dhe Indrit Shtupi, zero vota.

Ky vendim është marrë me 15.11.2021.

Pra për të zëvendësuar dy vendet që iu mbaron manadati në KLP, ka kandidatë, por duket se nuk ka vullnet nga Kuvendi për të proceduar më tej, duke shkelur kështu edhe afatet ligjore./E.S-CNA.al