E fundit!

08:41 Aktualitet

Zvarrit pafundësisht proceset gjyqësore/ Sot, seanca e radhës e Veliajt në GJKKO

Sot do të mbahet seanca e radhës në Gjykatën e Posaçme kun...

Provat, “këmbanë alarmi” për SPAK/ Inceneratorët “fundosin” Ramën dhe Veliajn?

19 Dhjetor 2021, 13:39, Politikë CNA

Nënkryetari i LSI-së, Petrit Vasili ka hedhur akuza të forta ndaj kryeministrit Edi Rama dhe kryebashkiakut të Tiranës, Erion Veliaj, në lidhje me aferën e inceneratorëve.

Në një postim në rrjetet sociale, Vasili i drejton mesazhe të forta SPAK, ndërsa thekson se duhet të marrë në përgjegjësi penale Ramën dhe Veliajn.

?SPAK rëndon veten duke mos marrë në përgjegjësi penale Ramën e Veliajn!

Të gjithë shqiptarët kërkojne sot marrjen në përgjegjësi penale të të gjithë bandes së strukturuar kriminale të inceneratorëve duke filluar nga kokat e vërteta.?-shkruan Vasili.

Më tej, ai thekson se dokumentet tregojnë qartë përgjegjësinë e Veliajt, për inceneratorin e Tiranës.

?Dokumentet flasin shumë qartë për përgjegjesine e Veliajt dhe Ramës.(FOTO)

Veliaj e shkeli dhunshëm Ligjin e Pushtetit Lokal dhe asgjesoi Keshillin Bashkiak për Inceneratorin e Tiranës, SPAK- u ç?pret akoma!

Projekti i Inceneratorit te Tiranes është miratuar vetëm nga kryetari i bashkisë së Tiranës Erion Veliaj, i cili është shprehur ?parimisht dakord? mbi studimin e fizibilitetit.

Por Veliaj nuk e ka asnje te drejte për ta miratuar projektin me angazhim financiar per plot 30 vjet.

Veliaj vetëm sa e propozon buxhetin e Bashkisë.

I vetmi institucion, i cili miraton Buxhetin është Këshilli Bashkiak

Neni 54 pika pika ?dh? e Ligjit te Veteqeverisjes Vendore eshte asgjesuese, ja ligji:

NENI 54

Detyrat dhe kompetencat e këshillit bashkiak

Këshilli bashkiak ka këto detyra dhe kompetenca:

1. dh) miraton buxhetin dhe ndryshimet e tij. Në vendimin për miratimin e buxhetit miraton,

gjithashtu, edhe numrin e maksimal të punonjësve të bashkisë, si dhe të njësive e institucioneve

buxhetore në varësi të bashkisë;

Po cilat jane kompetencat e Veliajt, ja cfare thote neni 64:

Neni 64

Kompetencat dhe detyrat e kryetarit të bashkisë

Kryetari i bashkisë ka këto kompetenca dhe detyra:

a) ushtron të gjitha kompetencat në kryerjen e funksioneve të bashkisë, me përjashtim të atyre që

janë kompetencë vetëm e këshillit përkatës;

b) zbaton aktet e këshillit;

Miratimi personal i Veliajt pa vendimin e Keshillit Bashkiak eshte

1. Privatizimi prej tij i Bashkise se Tiranes,

2.Eshte veper e qarte korruptive,

3.Eshte rrembim i paligjshem i kompetencave te Keshillit Bashkiak dhe shperdorim i qarte detyre.

Ndërsa Rama ka firmosur me doren e tij Koncesionin duke pasur opinionin kunder edhe te ministrave te tij.?-shkruan Vasili.

Më tej, ai i drejton edhe disa pyetje SPAK, ndërsa thekson se sa më shumë vonohet, kompromenton veten.

?SPAK pra e ka shumë të lehteë detyren!

Ç’pret SPAK-u përse nuk vepron?

A ështe i pavarur apo pret urdherat e Rames dhe Veliajt?

Keto fakte e prova jane te njohura per te gjithe shqiptaret dhe ato as nuk fshihen e as nuk zhduken dot.

Ndaj SPAK sa me shume vonohet vetem sa kompromenton rende veten, pasi fatin e pakthyeshem te bandes se inceneratoreve nuk e ndryshon dot.?-përfundon postimin e tij nënkryetari i LSI./CNA.al