E fundit!

17:40 Aktualitet

"E ka fituar dhe një prej kumbarëve të qeverisë në takimin e Arubës"/ Këlliçi: Të anulohet procedura për Milot–Balldren

Nënkryetari i Partisë Demokratike, Belind Këlliçi është sh...

Plani për ekzekutimin e biznesmenit/ Zbardhen detaje të reja

13 Dhjetor 2021, 08:02, Kronika CNA

Policia ka zbuluar banesën e Edmir Vlashit, njërit prej autorëve i cili planifikoi vrasjen e biznesmenit Preng Pluca në Lezhë. Gjatë kontrollit në banesën e autorit, policia ka sekuestruar një armë zjarri.

Kujtojmë se çifti Preng e Antoneta Paluca ishin në shënjestër të një atentati me armë zjarri më 8 gusht të këtij viti në Tiranë, por fatmirësisht arritën të mbijetonin, pavarësisht plagëve që morën.

Ngjarja ndodhi pranë banesës së tyre në zonën e Kamzës në kryeqytet, ku ata u qëlluan me armë zjarri silenciator, duke marrë disa plagë, pa rrezikuar jetën e tyre.

Detajet e fundit tregojnë se më herët u arrestua Nikoll e Marie Marku, si dhe dhëndri i tyre Mark Lamaj.

Njoftimi nga policia:

Si rezultat i hetimeve të thelluara, Policia zbulon një apartament në përdorim nga shtetasi E. V.

Gjatë kontrollit të apartamentit, shërbimet e Policisë gjetën dhe sekuestruan armë zjarri pistoletë, leje drejtimi dhe dokumente të tjera të lëshuara nga një shtet tjetër.

Shërbimet e Policisë Lezhë kanë vijuar punën intensive për dokumentimin e plotë e veprimtarisë kriminale të shtetasve E. V. dhe H.N. të cilët janë shpallur në kërkim në kuadër të operacionit “Mataro”.

Si rezultat I veprimeve të thelluara hetimore është zbuluar një apartament që ishte në përdorim nga shtetasi E.V. Shërbimet e Policisë gjatë kontrollit të ushtruar në këtë apartament gjetën dhe sekuestruan në cilësinë e provës materiale një armë zjarri pistoletë, disa mjete identifikimi dhe leje drejtimi të lëshuara nga një shtet tjetër.

Gjatë operacionit “Mataro” u vunë në pranga 3 shtetas, u shpallën në kërkim shtetasit E. V. dhe H.N., si dhe u sekuestruan arsenal me armë, municion, mina me telekomandë, një sasi e konsiderueshme eurosh e përfituar nga veprimtaria kriminale dhe sende të tjera të kundërligjshme.

Nën drejtimin e Prokurorisë vijon puna për dokumentimin e plotë të kësaj veprimtarie kriminale, për kapjen e personave të shpallur në kërkim dhe identifikimin e personave të tjerë të përfshirë. /S.K-CNa.al