web counter
LEXO PA REKLAMA!

SHKARKO APP

App Store
Google Play

E fundit!

x

Shembja e godinës së uzinës/ Naftëtarët e Ballshit paralajmërojnë grevë urie

3 Dhjetor 2021, 12:19, Aktualitet CNA

Ka vijuar edhe gjatë ditës së sotme shembja e godinës së uzinës së Ballshit.

Në lidhje me këtë çmontim kanë reaguar edhe naftëtarët e Ballshit të cilët kërkojnë ndaljen e demontimit, të paktën derisa të kenë marrë pagesat e tyre ose në të kundërt kërcënojnë që të futen sërish në grevë urie.

Ata mbajnë në dorë një urdhër që kërkon ndalimin e punimeve ndërsa i bëjë thirrje ministrit të Brendshëm që të shkojë dhe të gjejë një zgjidhje për situatën.

Kreu i sindikatës, Sokol Dautaj duke folur për mediat tha se ata ndoqën rrugën ligjore kanë në duar urdhrin që kërkon ndalimin e çmontimit.

?Meqenëse para pak ditësh na është kërkuar që të ndjekim rrugën ligjore, kemi kërkuar që shkresat të dalin nëpërmjet organeve ligjore. Dje avokati dhe përmbaruesi kanë nisur një shkresë dhe ne e kemi dërguar e kemi protokolluar sot. Shkresa mban datën 1 dhjetor, urdhër për vendosjen e sekuestros konservative.

505 paditës të përfaqësuar nga Taf Koleci, mbi shoqërinë ARMO, jo mbi privatin që kanë blerë rafinerinë. Të ndalohet çmontimi i rafinerisë. Sot duhet të ishin personat që kanë vënë sekuestron këtu. Duhet të ndalen punimet këtu, derisa ne të marrim lekët. Pasi të marrim lekët, të bëjnë ç?të duan. Këta djemtë këtu mendojnë se nuk ka zgjidhje tjetër. Vendimi ka ardhur që të bllokohen punimet. Ministri i Brendshëm të vijë këtu të mos na futë në konflikt me djemtë tanë. Po ikin maunet me tonelata hekur. Ne kemi fituar një gjyq me kompaninë ARMO, nuk duam ta dimë kush është? ligji thotë këtu të ndalohet vjedhja në uzinë”, ka vijuar deklarata./CNA.al





Lajmet e fundit nga