LEXO PA REKLAMA!

SHKARKO APP

Kukësit mund mes spektaklit Tiranën, bardheblutë pësojnë humbjen e parë në kampionat

22 Nëntor 2021, 20:47, Sport CNA
Kukësit mund mes spektaklit Tiranën, bardheblutë

Kukësi ka mundur sot Tiranën me shifrat 2-1, duke i shkaktuar humbjen e parë në këtë kampionat bardhebluve dhe duke i dhënë një sinjal se është pretendent për titullin. Pjesa e parë e ndeshjes së luajtur në “Air Albania” përfundoi në baraspeshë 0-0, por me fillimin e të dytës, ishte Milunoviç ai që tundi rrjetën. Goli i lojtarit serb merr edhe konfirmimin e VAR-it dhe festa ishte e gjitha për verilindorët.

Tirana kundërpërgjigjet në minutën e 80. Topi i goditur nga Gjumsi prek në krahun e kundërshtarit dhe është sistemi VAR ai që thërret arbitrin për një penallti. Gjyqtari shkon të shohë pamjet në monitor dhe vendimi më pas është i qartë, 11 metërsh për Tiranën. Bardheblutë barazojnë shifrat, teksa Seferi fiton duelin me Tafasin.

Por Kukësi i Longos nuk dorëzohet deri në fund. Në minutën e 88 është Basha që reazilon një supergol me të majtën e tij. Përpos mjeshtërisë në realizim, ky gol mbart me vete një vlerë edhe më të madhe, pasi nuk i lë bardheblutë e kryeqytetit të arratisen në krye të tabelës. Tirana qendron në krye me 20 pikë të grumbulluara, por nga pas e ndjek pikërisht Kukësi me vetëm 3 pikë më pak./

Lajmet e fundit nga