“Në PD po shahen me libër…”/ Lisandër Hoxha paralajmëron Bashën: Do shkarkohesh si burracak

23 Tetor 2021, 18:18, Politikë CNA

Ish-nënkryetari i FRPD, Lisandër Hoxha ka dalë me një reagim të fortë në rrjetet sociale, ku I drejtohet kryetari aktual të PD, Lulzim Basha.

Hoxha shkruan se Basha u ka shumë borxhe njerëzve, para se të përmendë Zotin, duke nisur nga lideri historik Sali Berisha.

I ke borxh demokratëve humbjet e njëpasnjëshme, pabesinë dhe shqiptarëve që u ke humbur shpresën, shkruan Hoxha.

Ndërsa shton se edhe pak ditë do të shkarkohet si burracak, nga posti që mban pa të drejtë.

“Luli u ke shume borxhe njerezve para se te permendesh Zotin!

I pari eshte Sali Berisha, qe per vite me rradhe e propagandoje sikur ishte ati yt shpirteror. Ne fakt, prej Berishes je ne politike dhe prej tij u bere 3 here Minister dhe nje here Kryetar Bashkie. Per Sali Berishen mbyllem syte dhe te votuam ty si Kryetar te PD. Prej Berishes te falem ne 2017 kur dole me keq se ne 1997. Prej Sali Berishes te falem kur i fale Edi Rames mandatet dhe bashkite e vendit. Prej Sali Berishes te ndoqem ne te gjitha marrezite e tua prej egocentristi te semure, te cilat, ne çdo rast, krijonin borxhe morale te medha ndaj çdo njeriu qe na ndiqte.

I ke borxh Berishes pabesine edhe pse te ka karakterizuar nje sjellje prej hipokriti ne çdo marredhenie tenden njerezore per keto 16 vite ne politike.

I ke borxh demokrateve humbjet e njepasnjeshme, Luli Basha.

U ke borxh te papuneve, bizneseve, studenteve, qendrestareve te PD dhe te gjithe shqiptareve qe u ke vrare shpresen tek opozita.

Luli, ti je borxhliu me i madh ne kete vend, ndaj mos e permend Perendine se ne ahiret ke te tjera detyrime per te shlyer.

Ne te njohem ty, Luli, por Saliu te njohu i fundit.

Detyrimet jane e shkuara, Luli, dhe ne duhet te veshtrojme nga e ardhmja.

Ate po e ben edhe ti, por ajo qe po shohim prej teje ne keto 2 konferencat e fundit eshte nervozizmi. Edhe pse perbetoheshe se nuk do i hidhje poshte ato 16 vite bashkepunim, ke filluar te gjuash me veze virtuale ne media. Ne ditet ne vijim do gjuash me fort sepse, siç e dime ne, e di edhe ti se je i marre fund politikisht.

Ke deklaruar se 97% e demokrateve te mbeshtesin ty. Nuk po te them se po behesh qesharak sepse ate e di edhe vete.

Nese vertet je aq i bindur se e gezon ate mbeshtetje, eja ne Kuvend Kombetar dhe votebesoje kete deklarate tenden!

Une mendoj se ti je vetem nje propagande boshe, Luli, sepse per interesa te tua personale po perçan Partine Demokratike. Sot, jane disa deputet te forces tone qe po shahen me liber dasme nga baza e Partise Demokratike, per fajin tend, Lul. Ti je borxhliu me i madh i kesaj force politike qe te dha gjithçka deshe dhe nuk mori asgje te mire prej teje.

Jam i sigurte se do shtosh konferencat e shtypit dhe vezet dixhitale, me te cilat mendon se do besh namin.

Edhe pak dite Luli dhe do shkarkohesh si nje burracak nga posti qe po e mban me pa te drejte!”/CNA.al